ଚଣ୍ଡିଗଡ: ପଞ୍ଜାବ ବିଧାନସଭା ନିର୍ବାଚନ ପାଇଁ ପ୍ରାର୍ଥୀ ଘୋଷଣା କଲା ଆମ ଆଦମୀ ପାର୍ଟି (AAP) । ଶୁକ୍ରବାର ଚଣ୍ଡିଗଡରେ ଆମ ଆଦମୀ ପାର୍ଟି ପଞ୍ଜାବ ବିଧାନସଭା ନର୍ବାଚନ ପାଇଁ ପ୍ରଥମ ପର୍ଯ୍ୟାୟ ତାଲିକା ଘୋଷଣା କରିଛି। ପ୍ରଥମ ପର୍ଯ୍ୟାୟରେ ୧୦ ଜଣ ପ୍ରାର୍ଥୀଙ୍କ ତାଲିକା ଜାରି କରିଛି ଆପ ।
ପଞ୍ଜାବରେ ବିଧାନସଭା ନିର୍ବାଚନକୁ ନେଇ ରାଜନୈତିକ ଦଳ ଗୁଡିକର ଚାଲିଛି ଜୋରଦାର ପ୍ରସ୍ତୁତି । ଏହି ପରିପ୍ରେକ୍ଷୀରେ ଶୁକ୍ରବାର ଚଣ୍ଡିଗଡରେ ଆମ ଆଦମୀ ପାର୍ଟି ଘୋଷଣା କରିଛି ନିଜର ପ୍ରଥମ ପର୍ଯ୍ୟାୟ ବିଧାୟକ ପ୍ରାର୍ଥୀ ତାଲିକା। ୧୧୭ ଆସନ ବିଶିଷ୍ଟ ପଞ୍ଜାବ ବିଧାନସଭାରେ ପ୍ରଥମ ପର୍ଯ୍ୟାୟରେ ୧୦ ଜଣ ବିଧାୟକଙ୍କ ତାଲିକା ଜାରି କରଛି ଆପ । ତେବେ ଦିଲ୍ଲୀ ପରେ ପଞ୍ଜାବକୁ ନିଜ ଫୋକସରେ ରଖିଥିବା ଆମ ଆଦମୀ ପାର୍ଟି ନିଜର ସଂଗଠନକୁ ମଜବୁତ କରିବା ପାଇଁ ପ୍ରୟାସ କରିଛି । ପଞ୍ଜାବରେ ଆପ ସରକାର ଗଠନ କରିବା ପାଇଁ ଲୋକଙ୍କ ପାଖକୁ ଯାଉଛି ଆପ । ଲୋକଙ୍କୁ ବିଦ୍ୟୁତ, ଶିକ୍ଷା ଓ ସ୍ବାସ୍ଥ୍ୟ ସେବାକୁ ମୁଖ୍ୟ ମୁଦ୍ଦା କରିଛି ଆପ । ପଞ୍ଜାବରେ ବର୍ତ୍ତମାନ ଚରଣଜିତ ଚନ୍ନିଙ୍କ ନେତୃତ୍ବ କଂଗ୍ରେସ ସରକାରଙ୍କ ଦୋଷ ଦୁର୍ବଳତାକୁ ନେଇ ଆପ ଜୋରଦାର ଟାର୍ଗେଟ କରୁଛି ।