ଚଣ୍ଡୀଗଡ:ଅତ୍ଯାଧୁନିକ ଯୁଦ୍ଧବିମାନ ରାଫେଲ ଜେଟ୍ ଆକୃତିର ଗାଡି ପ୍ରସ୍ତୁତ କଲେ ପଞ୍ଜାବର ଆର୍କିଟେକ୍ । ତେବେ ଏହା ଯୁଦ୍ଧକ୍ଷେତ୍ର କିମ୍ବା ଆକାଶରେ ଉଡିବ ନି, ବରଂ ରାସ୍ତାରେ ଗଡୁଥିବା ରାଫେଲ । ଏଭଳି ଦୃଶ୍ୟ ଦେଖିବାକୁ ମିଳିଛି ପଞ୍ଜାବର ଭଟିଣ୍ଡାରେ ।
ପଞ୍ଜାବର ଆର୍କିଟେକ ତିଆରି କଲେ ରାଫେଲ ଜେଟ
ରାଫେଲ ଜେଟରୁ ଅନୁପ୍ରାଣିତ ହୋଇ ପଞ୍ଜାବ ଭଟିଣ୍ଡାର ଆର୍କିଟେକ୍ ରାମପାଲ ବେହନିୱାଲ 'ପଞ୍ଜାବ ରାଫେଲ' ନାମକ ଏକ ଗାଡି ପ୍ରସ୍ତୁତ କରିଛନ୍ତି । ଯାହା ସମ୍ପୂର୍ଣ୍ଣ ସ୍ବଦେଶୀ ଜ୍ଞାନକୌଶଳରେ ନିର୍ମିତ କରାଯାଇଛି । ଏହି ରାଫେଲ ଆକୃତିର ଗାଡି ପ୍ରସ୍ତୁତ କରି ଲୋକଙ୍କୁ ରାଫେଲର ମଜା ପ୍ରଦାନ କରୁଛନ୍ତି । ଯାହା ସମ୍ପୂର୍ଣ୍ଣ ସ୍ବଦେଶୀ ଜ୍ଞାନକୌଶଳରେ ପ୍ରସ୍ତୁତ ଏବଂ ନିଜସ୍ବ ଖର୍ଚ୍ଚରେ ପ୍ରସ୍ତୁତ କରିଛନ୍ତି ।