ଓଡିଶା

odisha

By

Published : Jan 25, 2021, 4:44 PM IST

ETV Bharat / bharat

ପୁଲୱାମା ଆକ୍ରମଣରେ ଶହୀଦ ଏଏସଆଇ ମୋହନ ଲାଲଙ୍କୁ ରାଷ୍ଟ୍ରପତି ଗ୍ୟାଲେଣ୍ଟ୍ରି ମେଡାଲ୍

ସେଣ୍ଟ୍ରାଲ ରିଜର୍ଭ ପୋଲିସ୍ ଫୋର୍ସ (CRPF) ଏଏସଆଇ ମୋହନ ଲାଲଙ୍କୁ ରାଷ୍ଟ୍ରପତି ଗ୍ୟାଲେଣ୍ଟ୍ରି ପୋଲିସ୍ ପଦକ(PPMG) ପ୍ରଦାନ କରାଯିବା ନେଇ ଘୋଷଣା ହୋଇଛି। ଅଧିକ ପଢନ୍ତୁ...

ମୋହନ ଲାଲଙ୍କୁ ରାଷ୍ଟ୍ରପତି ଗ୍ୟାଲେଣ୍ଟ୍ରି ମେଡାଲ୍
ମୋହନ ଲାଲଙ୍କୁ ରାଷ୍ଟ୍ରପତି ଗ୍ୟାଲେଣ୍ଟ୍ରି ମେଡାଲ୍

ନୂଆଦିଲ୍ଲୀ: ସେଣ୍ଟ୍ରାଲ ରିଜର୍ଭ ପୋଲିସ୍ ଫୋର୍ସ (CRPF) ଏଏସଆଇ ମୋହନ ଲାଲଙ୍କୁ ରାଷ୍ଟ୍ରପତି ଗ୍ୟାଲେଣ୍ଟ୍ରି ପୋଲିସ୍ ପଦକ(PPMG) ପ୍ରଦାନ କରାଯିବା ନେଇ ଘୋଷଣା ହୋଇଛି। ସେ ଜାମ୍ମୁ କାଶ୍ମୀରରେ ଫେବୃଆରୀ 2019 ପୁଲୱାମା ଆତଙ୍କବାଦୀ ଆକ୍ରମଣରେ ପ୍ରାଣ ହରାଇଥିଲେ । ମୋହନ ଲାଲଙ୍କ ସମେତ 131ଜଣ ସିଆରପିଏଫ କର୍ମଚାରୀଙ୍କୁ ମଧ୍ୟ ଗ୍ୟାଲେଣ୍ଟ୍ରି ଆୱାର୍ଡ ଦିଆଯିବ । 2021 ଗଣତନ୍ତ୍ର ଦିବସରେ ଏହି ସମ୍ମାନଜନକ ରାଷ୍ଟ୍ରପତି ପଦକ ପ୍ରଦାନ କରାଯିବ ।

ପୁଲୱାମା ଆକ୍ରମଣରେ ଶହୀଦ 40 ଜଣ ସିଆରପିଏଫ୍ କର୍ମଚାରୀଙ୍କ ମଧ୍ୟରେ ଥିଲେ ମୋହନ ଲାଲ୍ । ଏହି ଆକ୍ରମଣ ପରେ ଭାରତ ବାଲାକୋଟରେ ଏୟାରଷ୍ଟ୍ରାଇକ୍ କରି ଜୈସ-ଏ-ମହମ୍ମଦର ଠିକଣାକୁ ଧ୍ବଂସକୁ କରିଦେଇଥିଲା । ତେବେ ଗଣତନ୍ତ୍ର ଦିବସର ଗୋଟିଏ ଦିନ ପୂର୍ବରୁ ମୋଟ 946 ପୋଲିସ ପଦକ ବିଷୟରେ ଘୋଷଣା କରାଯାଇଛି । ଏଥିରେ 2ଟି PPMG, 205ଟି ଗ୍ୟାଲେଣ୍ଟ୍ରି ପୋଲିସ ପଦକ(PMG), 89ଟି ରାଷ୍ଟ୍ରପତି ପୋଲିସ ପଦବୀ(PPM) ଓ ସମ୍ମାନଜନକ ସେବା ପାଇଁ 650ଟି ପୋଲିସ ପଦକ(PM) ଘୋଷଣା କରାଯାଇଛି ।

ଅନ୍ୟପକ୍ଷେ ସିଆରପିଏଫ ସର୍ବାଧିକ ପଦକ ଅକ୍ତିଆର କରଛି । ଉତ୍ତରପ୍ରଦେଶ ପୋଲିସ ପାଇଁ 97ଟି ପଦକ ଓ ବିଏସଏଫ୍ ଓ ଜାମ୍ମୁ-କାଶ୍ମୀର ପୋଲିସଙ୍କ ପାଇଁ 71ଟି ଲେଖାଏଁ ପଦବୀ ଘୋଷଣା ହୋଇଛି । 207 ଗ୍ୟାଲେଣ୍ଟି ଆୱାର୍ଡ ମଧ୍ୟରୁ ଜାମ୍ମୁକାଶ୍ମୀରେ କାର୍ଯ୍ୟରତ ଅଧିକାରୀଙ୍କୁ 137, ବାମପନ୍ଥୀ ଉଗ୍ରବାଦର ମୁକାବିଲା କରିବା ପାଇଁ 24 ଆୱାର୍ଡ ଓ ଗୋଟିଏ ଉତ୍ତରପୂର୍ବ ଅଂଶରେ କାର୍ଯ୍ୟରତ ଅଧିକାରୀଙ୍କୁ ମିଳିଛି ।

ABOUT THE AUTHOR

...view details