ବେଙ୍ଗାଲୁରୁ:ବେଙ୍ଗାଲୁରୁରେ ଟେକ ସମ୍ମିଳନୀ 2020ର ଉଦଘାଟନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। କୋରୋନା ମହମାରୀ ପରେ ପ୍ରଯୁକ୍ତିବିଦ୍ୟାକୁ ନେଇ ବିଶ୍ବରେ ସୃଷ୍ଟି ହେବାକୁ ଥିବା ବିଭିନ୍ନ ସମସ୍ୟା ଉପରେ ଏହି ସମ୍ମିଳନୀରେ ଆଲୋଚନା ହେବ। ନଭେମ୍ବର 19ରୁ 21 ତାରିଖ ପର୍ଯ୍ୟନ୍ତ ଏହି ସମ୍ମିଳନୀ ଚାଲିବ। ଭିଡିଓ କନଫରେସିଂ ମାଧ୍ୟମରେ ପ୍ରଧାନମନ୍ତ୍ରୀ ମୋଦି ଏହି ସମ୍ମିଳନୀକୁ ଉଦଘାଟନ କରିବେ।
ଏହି ଟେକ ସମ୍ମିଳନୀରେ ଅଷ୍ଟ୍ରେଲୀୟ ପ୍ରଧାନମନ୍ତ୍ରୀ ସ୍କଟ୍ ମୋରିସନ୍, ସ୍ବିସ୍ କନଫେଡେରେସନ ଉପାଧ୍ୟକ୍ଷ ଗାଏ ପାରମେଲିନ୍ ଯୋଗ ଦେବାର କାର୍ଯ୍ୟକ୍ରମ ରହିଛି। ଏହାସହ ଏହି ବୃହତ ସମ୍ମିଳନୀରେ ବିଶିଷ୍ଟ ନେତା, ଶିଳ୍ପପତି, ଟେକ୍ନୋକ୍ରାଟ୍, ଅନୁସନ୍ଧାନକାରୀ, ଉଦ୍ଭାବକ, ନିବେଶକ, ନୀତି ନିର୍ଣ୍ଣୟକାରୀ ଏବଂ ଶିକ୍ଷାବିତମାନେ ଯୋଗଦେବାର କାର୍ଯ୍ୟକ୍ରମ ରହିଛି।