ନୂଆଦିଲ୍ଲୀ: ଆଜି(ବୁଧବାର) ମହାଋଷି ବାଲ୍ମିକୀଙ୍କ ଜୟନ୍ତୀ । ଏହି ଅବସରରେ ବାଲ୍ମିକୀଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆମ ଦେଶର ସମୃଦ୍ଧ ଅତୀତ ଓ ଗୌରବମୟ ସଂସ୍କତିରେ ବାଲ୍ମିକୀଙ୍କର ଅବଦାନକୁ ମନେ ପକାଇଛନ୍ତି ମୋଦି ।
ଟ୍ବିଟ କରି ମୋଦି କହିଛନ୍ତି, ବାଲ୍ମିକୀଙ୍କର ସାମାଜିକ ସଶକ୍ତିକରଣ ଉପରେ କାର୍ଯ୍ୟ ଆମକୁ ସବୁବେଳେ ପ୍ରେରଣା ଦେବ । ଏହା ସହିତ ପୂର୍ବ ବର୍ଷ 'ମନ କି ବାତ' କାର୍ଯ୍ୟକ୍ରମରେ ବାଲ୍ମିକୀଙ୍କୁ ନେଇ ପ୍ରସାରିତ ହୋଇଥିବା ଏକ ଅଡିଓ କ୍ଲିପ ସେୟାର କରିଥିଲେ ଯେଉଁଥିରେ ମହାଋଷି ବାଲ୍ମିକୀଙ୍କ ବିଷୟରେ ବର୍ଣ୍ଣନା ହୋଇଥିଲା । ଗତ ବର୍ଷ ଅକ୍ଟୋବର 25ରେ 'ମନ କି ବାତ 2.0ର 17ତମ ଏପିସୋଡରେ ପିଏମ ମୋଦି କହିଥିଲେ, ମହାଋଷି ବାଲ୍ମିକୀଙ୍କ ଉଚ୍ଚ ଆଦର୍ଶ ଲକ୍ଷ ଲକ୍ଷ ଲୋକଙ୍କୁ ପ୍ରେରଣା ଓ ଶକ୍ତି ଦେଇଛି । ଦରିଦ୍ର ଏବଂ ଦଳିତଙ୍କ ଭରସା ଋଷି ବାଲ୍ମିକୀ ।