ଗାନ୍ଧୀନଗର:ସାମୁଦ୍ରିକ ବାତ୍ୟା ତାଉ'ତେ ପ୍ରଭାବିତ ଅଞ୍ଚଳ ପରିଦର୍ଶନ କଲେ ପିଏମ ମୋଦି । ଆଜି ମଧ୍ୟାହ୍ନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁଜୁରାଟ ଅହମଦାବାଦରେ ପହଞ୍ଚି ଆକାଶମାର୍ଗରୁ ବାତ୍ୟା ପ୍ରଭାବିତ ଅଞ୍ଚଳ ନୀରିକ୍ଷଣ କରିଛନ୍ତି ।
ତଉ'ତେ ପ୍ରଭାବିତ ଅଞ୍ଚଳ ପରିଦର୍ଶନ କଲେ ପିଏମ ମୋଦି
ବାୟୁସେନାର ସ୍ବତନ୍ତ୍ର ହେଲିକେପ୍ଟରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୁଜୁରାଟ ମୁଖ୍ୟମନ୍ତ୍ରୀ ଆକାଶ ମାର୍ଗରୁ ବାତ୍ୟା ପ୍ରଭାବିତ ଅଞ୍ଚଳର କ୍ଷୟକ୍ଷତି ନୀରିକ୍ଷଣ କରିଛନ୍ତି । ଗୁଜୁରାଟ ଉପକୂଳର ଖାସକରି ପୋରବନ୍ଦର ଓ ସୌରାଷ୍ଟ୍ର ଅଞ୍ଚଳର ଊନା, ଡିଉ, ଜାଫ୍ରାବାଦ ଓ ବାତ୍ୟା ଲ୍ୟାଣ୍ଡଫଲ କରିଥିବା ମହୁଭା ଅଞ୍ଚଳକୁ ଆକାଶ ମାର୍ଗରୁ ପରିଦର୍ଶନ କରିଥିଲେ । ଏହା ପରେ ପ୍ରଧାନମନ୍ତ୍ରୀ ଅହମଦାବାଦରେ ବାତ୍ୟାର କ୍ଷୟକ୍ଷତି ନେଇ ମୁଖ୍ୟମନ୍ତ୍ରୀ ଓ ଉଚ୍ଚସ୍ତରୀୟ ଅଧିକାରୀଙ୍କ ସହ ବୈଠକ କରିବେ ।