ନୂଆଦିଲ୍ଲୀ:ଅଲମ୍ପିକରେ ବ୍ରୋଞ୍ଜ ପଦକ ହାସଲ କରିଛନ୍ତି ଭାରତର ଷ୍ଟାର ରେସଲର ବଜରଙ୍ଗ ପୁନିଆ । ପଦକ ବିଜୟ ହେଲା ପରେ ଶୁଭେଛାର ସୁଅ ଛୁଟିବାରେ ଲାଗିଛି । ଭାରତବାସୀ ଅଲମ୍ପିକ ମେଡାଲକୁ ନେଇ ଖୁସି ମନାଉଥିବାବେଳେ ରାଷ୍ଟ୍ରପତିଙ୍କ ଠାରୁ ଆରମ୍ଭ କରି ପ୍ରଧାନମନ୍ତ୍ରୀ କ୍ରୀଡାମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ ଶୁଭେଚ୍ଛାର ସୁଅ ଛୁଟିବାରେ ଲାଗିଛି ।
ରାଷ୍ଟ୍ରପତି ରାମନାଥ କୋବିନ୍ଦ ଟ୍ବିଟ କରି ଅଲମ୍ପିକ ବ୍ରୋଞ୍ଜ ବିଜେତା ବଜରଙ୍ଗ ପୁନିଆଙ୍କୁ ଶୁଭେଚ୍ଛା ଜଣାଇଛନ୍ତି । ରାଷ୍ଟ୍ରପତି ଟ୍ବିଟ କରି ଲେଖିଛନ୍ତି ଯେ ଭାରତ ରେସଲିଂ ପାଇଁ ସ୍ବତନ୍ତ୍ର ଦିନ । ଅଲମ୍ପିକ ବ୍ରୋଞ୍ଜ ପଦ ହାସଲ କରିଥିବାରୁ କୃତଜ୍ଞତା ଜଣାଇଛନ୍ତି ରାଷ୍ଟ୍ରପତି । ରେସଲିଂରେ ନିଜର ନିରନ୍ତର ପ୍ରୟାସ, ସ୍ଥିରତା ଏବଂ ଦୃଢତା ସହିତ ଆପଣ ନିଜକୁ ଜଣେ ଉଲ୍ଲେଖନୀୟ କୁସ୍ତି ଭାବରେ ପ୍ରସ୍ତୁତ କରିଛନ୍ତି | ଏହା ପ୍ରତ୍ୟେକ ଭାରତୀୟ ଆପଣଙ୍କ ସଫଳତା ।
ବଜରଙ୍ଗ ପୁନିଆ ବ୍ରୋଞ୍ଜ ପଦକ ବିଜୟୀ ହେବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ବିଟ କରିଛନ୍ତି । ଟୋକିଓ ଅଲମ୍ପିକରୁ ପୁଣି ଖୁସି ଖବର । ଚମତ୍କାର ଲଢେଇ କରି ବିଜୟୀ ହୋଇଛନ୍ତି । ଏହି ସଫଳତା ପାଇଁ ଆପଣଙ୍କୁ ଅଭିନନ୍ଦନ। ଯାହା ପ୍ରତ୍ୟେକ ଭାରତୀୟଙ୍କୁ ଗର୍ବିତ ଏବଂ ଖୁସି କରେ ବୋଲି ମୋଦି ଟ୍ବିଟ କରିଛନ୍ତି ।