ଅନନ୍ତନାଗ: ସୋପୋର ଆତଙ୍କବାଦୀ ଆକ୍ରମଣ। ଏଥିରେ ଏଲଇଟିର ଜଣେ ସ୍ଥାନୀୟ ଆତଙ୍କବାଦୀ ମୁଦାସିର ପଣ୍ଡିତ ଏବଂ ଜଣେ ବିଦେଶୀ ଆତଙ୍କୀ ସମ୍ପୃକ୍ତ ଅଛନ୍ତି। ଏନେଇ ପ୍ରାଥମିକ ଅନୁସନ୍ଧାନରୁ ଜଣାପଡିଛି । ମାର୍ଚ୍ଚ 29 ରେ ସୋପୋର ପୋଲିସ ଏସଡିଏଚ୍ ସୋପୋର ନିକଟରେ ଏକ ଆତଙ୍କବାଦୀ ଅପରାଧ ଘଟଣା ବିଷୟରେ ସୂଚନା ପାଇଥିଲା। ଆତଙ୍କୀମାନେ ମ୍ୟୁନିସିପାଲିଟି କାଉନସିଲରଙ୍କ ଉପରେ ଆକ୍ରମଣ କରିଥିଲେ। ପରେ ପୋଲିସ ଏବଂ ସିଏପିଏଫ ଅଧିକାରୀମାନେ ଘଟଣାସ୍ଥଳରେ ପହଞ୍ଚିଥିଲେ।
"ପ୍ରାଥମିକ ଅନୁସନ୍ଧାନରୁ ଜଣାପଡିଛି ଯେ, ଆତଙ୍କୀମାନେ ଏସଡିଏଚ୍ ସୋପୋର ଲୋନ ବିଲଡିଂ ନିକଟରେ ଥିବା ମ୍ୟୁନିସିପାଲିଟି କାଉନସିଲରଙ୍କ ଉପରକୁ ଗୁଳି ଚଳାଇଥିଲେ। ଯାହା ଫଳରେ ରିୟାଜ ଅହମ୍ମଦ ପିର ଏବଂ ଶ୍ୟାମ-ଉଦ-ଦିନ୍ ପିର ଏବଂ ଶାଫକତ ନାଜିର ନାମକ ଦୁଇଜଣ ପୋଲିସ କର୍ମଚାରୀ ଆହତ ହୋଇଥିଲେ। ପରବର୍ତ୍ତୀ ସମୟରେ ଆହତଙ୍କ ମଧ୍ୟରୁ ଜଣେ ଡିଡିସି କାଉନସିଲରଙ୍କ ସହ ପୋଲିସ କର୍ମଚାରୀ ମୃତ୍ୟୁବରଣ କରିଥିଲେ। ଅନ୍ୟ ଆହତଙ୍କୁ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ବୋଲି ପୋଲିସ କହିଛି।
ଏହା ଉଲ୍ଲେଖଯୋଗ୍ୟ ଯେ ଆତଙ୍କବାଦୀ ଆକ୍ରମଣ ପରେ ଆଇଜିପି କାଶ୍ମୀର ବିଜୟ କୁମାର-ଆଇପିଏସ୍ ପିଡି ସୋପୋର ପରିଦର୍ଶନ କରି ଆତଙ୍କବାଦୀ ଅପରାଧର ଘଟଣା ଯାଞ୍ଚ କରିଥିଲେ। ଏହା ପରେ ସେ କମାଣ୍ଡର 5-ସେକ୍ଟର ଆରଆର, ଡିଜି ସିଆରପିଏଫ ଏବଂ ଏସଏସପି ସୋପୋର ସହିତ ଏକ ସୁରକ୍ଷା ସମୀକ୍ଷା ବୈଠକର ଅଧ୍ୟକ୍ଷତା କରିଥିଲେ। ସୋପୋର ଟାଉନରେ ଆତଙ୍କୀଙ୍କ ଆକ୍ରମଣ ଏବଂ ଏହାର ମୁକାବିଲା ପାଇଁ ଆବଶ୍ୟକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା।
ଅଧିକାରୀଙ୍କ ସହ କଥାବାର୍ତ୍ତା କରୁଥିବାବେଳେ ଆଇଜିପି କାଶ୍ମୀର ଅଂଶଗ୍ରହଣକାରୀ ଅଧିକାରୀମାନଙ୍କୁ ଅନୁରୋଧ କରିଛି ଯେ ଅସୁରକ୍ଷିତ ବ୍ୟକ୍ତିଙ୍କ ସୁରକ୍ଷାକୁ ବଢାଇବା ତଥା ଆତଙ୍କୀଙ୍କ ଯୋଜନାକୁ ରୋକିବା ପାଇଁ ସମସ୍ତ ଆବଶ୍ୟକୀୟ ପଦକ୍ଷେପ ଗ୍ରହଣ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ।
ଘଟଣାକୁ ନେଇ ପୋଲିସ ଏକ ମାମଲା ରୁଜୁ କରିଛି। ଏବଂ ଏହି ଆତଙ୍କବାଦୀ ଅପରାଧର ସମ୍ପୂର୍ଣ୍ଣ ପରିସ୍ଥିତି ଜାଣିବା ପାଇଁ ଅଧିକାରୀମାନେ କାର୍ଯ୍ୟ ଜାରି ରଖିଛନ୍ତି। ଆକ୍ରମଣକାରୀଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ କର୍ଡନ୍ ଏବଂ ସର୍ଚ୍ଚ ଅପରେସନ୍ ଚାଲିଛି।
