ନୂଆଦିଲ୍ଲୀ: ପଞ୍ଜାବରେ ପଟିଆଲା ଆସନରୁ ପ୍ରତିଦ୍ବନ୍ଦିତା କରୁଥିବା ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂହଙ୍କୁ ପରାଜୟର ମୁହଁ ଦେଖିବାକୁ ପଡ଼ିଛି । ସେ ଆପ୍ ପ୍ରାର୍ଥୀଙ୍କ ଠାରୁ ୧୯ ହଜାର ୬୯୭ ଭୋଟରେ ହାରିଛନ୍ତି । ବର୍ତ୍ତମାନ ଟ୍ରେଣ୍ଡ ମୁତାବକ ପଞ୍ଜାବରେ ସରକାର ଗଢ଼ୁଛି ଆମ୍ ଆଦମୀ ପାର୍ଟି ।
ପଟିଆଲା ଆସନରେ ଲଗାତାର ବିଜୟ ହାସଲ କରି ଆସୁଥିଲେ ଅମରିନ୍ଦର । ତା ସହିତ ପୂର୍ବ ଅମୃତସରର ପରାଜିତ ହୋଇଛନ୍ତି ନବଜ୍ୟୋତ ସିଂହ ସିଦ୍ଧୁ । ପୂର୍ବରୁ ସେ ଲଗାତାର ଜିତି ଆସୁଥିଲେ । ତେବେ ଏଥର ନିର୍ବାଚନରେ ଚିତ୍ର ବଦଳି ଯାଇଛି । ପଞ୍ଜାବରେ ଆପ୍ର ସଫଳତାକୁ ନେଇ ସିଦ୍ଧୁ ଟ୍ବିଟ୍ କରିଛନ୍ତି ଯେ, "ଜନତାଙ୍କ ମତ ହେଉଛି ଭଗବାନଙ୍କ ମତ । ଭୋଟରଙ୍କ ମତକୁ ସାଦରେ ଗ୍ରହଣ କରୁଛି । ଆମ୍ ଆଦମୀ ପାର୍ଟିକୁ ଶୁଭେଚ୍ଛା ।"