ନୂଆଦିଲ୍ଲୀ:ଆଜି ଜାତୀୟ ଡାକ୍ତର ଦିବସ । ସ୍ବାସ୍ଥ୍ୟ କ୍ଷେତ୍ର ପ୍ରତି ଡାକ୍ତରଙ୍କ ଅବଦାନକୁ ସଲାମ କରି ପ୍ରତିବର୍ଷ ଜୁଲାଇ 1 ତାରିଖକୁ ଡାକ୍ତର ଦିବସ ଭାବରେ ପାଳନ କରାଯାଏ । ଏହି ଅବସରରେ ଆଜି(ଗୁରୁବାର) ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଇଣ୍ଡିଆନ ମେଡିକାଲ ଆସୋସିଏସନର ଡାକ୍ତରମାନଙ୍କୁ ସମ୍ବୋଧିତ କରିବେ । ଏନେଇ ଟ୍ବିଟ କରି ସୂଚନା ଦେଇଛନ୍ତି ମୋଦି ।
ସେ ଆହୁରି କହିଛନ୍ତି, କୋଭିଡ-19 ସହ ଲଢିଥିବା ପ୍ରତ୍ୟେକ ଡାକ୍ତରଙ୍କ ପାଇଁ ଭାରତ ଗର୍ବିତ । ଡାକ୍ତର ଦିବସରେ ଅପରାହ୍ନ 3ଟାରେ ସେମାନଙ୍କୁ ସମ୍ବୋଧନ କରିବା ନେଇ ସୂଚନା ଦେଇଛନ୍ତି ମୋଦି । ଡାକ୍ତରମାନଙ୍କ ମନୋବଳ ବଢାଇବା ସହ ସେମାନଙ୍କୁ ଅନୁପ୍ରାଣିତ କରିବାକୁ ଆଜି ଦେଶର ବିଭିନ୍ନ ଭାଗରେ ଡାକ୍ତର ଦିବସ ପାଳନ ହେବାର କାର୍ଯ୍ୟକ୍ରମ ରହିଛି ।