ନୂଆଦିଲ୍ଲୀ: ଆଜି(ବୁଧବାର) ପ୍ରଧାନମନ୍ତ୍ରୀ ନରେନ୍ଦ୍ର ମୋଦି 'ପରୀକ୍ଷା ପେ ଚର୍ଚ୍ଚା' 2021 କାର୍ଯ୍ୟକ୍ରମରେ ଛାତ୍ର, ଶିକ୍ଷକ ଓ ଅଭିଭାବକଙ୍କ ସହିତ ଆଲୋଚନା କରିବେ । ଏହି କାର୍ଯ୍ୟକ୍ରମ ଆଜି ସଂନ୍ଧ୍ୟା 7ଟାରେ ଭିଡିଓ କନଫରେନ୍ସିଂ ଜରିଆରେ ହେବ ବୋଲି ପ୍ରଧାନମନ୍ତ୍ରୀ କାର୍ଯ୍ୟାଳୟ ପକ୍ଷରୁ ସୂଚନା ମିଳିଛି ।
ଏକ ନୂତନ ପ୍ରଣାଳୀ, ବିଭିନ୍ନ କୌତୁହଳପୂର୍ଣ୍ଣ ପ୍ରଶ୍ନ ଓ ବିଷୟବସ୍ତୁକୁ ନେଇ ଆମ ସାହାସୀ ପରୀକ୍ଷା ଯୋଦ୍ଧା, ଅଭିଭାବକ ଓ ଶିକ୍ଷକଙ୍କ ସହିତ ଆଲୋଚାନା କରିବେ ବୋଲି ଟ୍ବିଟ କରି ସୂଚନା ଦେଇଛନ୍ତି ମୋଦି । ଏହି ଚତୁର୍ଥ ସଂସ୍କରଣ ଆଲୋଚନା କାର୍ଯ୍ୟକ୍ରମରେ ପିଲାମାନେ କିପରି ପରୀକ୍ଷାକୁ ସାମ୍ନା କରିବେ ସେ ନେଇ ପିଲାଙ୍କ ସମସ୍ତ ପ୍ରଶ୍ନର ଉତ୍ତର ରଖିବେ ପ୍ରଧାନମନ୍ତ୍ରୀ ମୋଦି ।
କେନ୍ଦ୍ର ଶିକ୍ଷାମନ୍ତ୍ରୀ ରମେଶ ପୋଖରିଆଲ ମଙ୍ଗଳବାର କହିଛନ୍ତି ଲକ୍ଷ ଲକ୍ଷ ଛାତ୍ର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହିତ ସିଧାସଳଖ ଭାବେ ଯୋଡି ହୋଇ ପରୀକ୍ଷାକୁ ବିନା ଭୟରେ କିପରି ସାମ୍ନା କରିବେ ସେ ନେଇ ବିଭିନ୍ନ ପ୍ରଶ୍ନ ସହିତ ଆଲୋଚନା କରୁଛନ୍ତି ବୋଲି କହିଛନ୍ତି । ପାଖାପାଖି 14ଲକ୍ଷରୁ ଅଶଂଗ୍ରହଣକାରୀ 'ପରୀକ୍ଷା ପେ ଚର୍ଚ୍ଚା' 2021ରେ ଭାଗ ନେବେ । ସେମାନଙ୍କ ଭିତରେ 10.5ଲକ୍ଷ ଛାତ୍ରଛାତ୍ରୀ, 2.6ଲକ୍ଷ ଶିକ୍ଷକ ଓ 92ହଜାର ଅଭିଭାବକ ଅଛନ୍ତି ବୋଲି କହିଛନ୍ତି ଶିକ୍ଷାମନ୍ତ୍ରୀ ରମେଶ ପୋଖରିଆଲ । ପ୍ରଥମଥର ପାଇଁ 81ଟି ବାହାର ଦେଶର ଛାତ୍ରଛାତ୍ରୀ 'ପରୀକ୍ଷା ପେ ଚର୍ଚ୍ଚା' ସୃଜନଶୀଳ ଲେଖାରେ ଭାଗ ନେବେ ।