ନୂଆଦିଲ୍ଲୀ: ଆଜି ପିଏମ ସିଏମ ବୈଠକ । କୋରୋନା ସ୍ଥିତି ନେଇ ଆଜି 6 ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଓଡିଶା, ଆନ୍ଧ୍ରପ୍ରଦେଶ, କର୍ଣ୍ଣାଟକ, ମହାରାଷ୍ଟ୍ର, କେରଳ ଓ ତାମିଲନାଡୁର ମୁଖ୍ୟମନ୍ତ୍ରୀ ମାନଙ୍କ ସହ ଆଜି ଦିନ 11ଟା ସମୟରେ ବୈଠକ କରିବେ ପ୍ରଧାନମନ୍ତ୍ରୀ । ଏହି ରାଜ୍ୟ ଗୁଡିକରେ କୋରୋନା ସ୍ଥିତି କେମିତି ରହିଛି ସେନେଇ ସମୀକ୍ଷା କରିବେ ମୋଦି ।
ଏହି 6 ଟି ରାଜ୍ୟର ମୁଖ୍ୟମନ୍ତ୍ରୀଙ୍କ ସହ ଭିଡିଓ କନଫରେସିଂ ଜରିଆରେ ହେବ ଆଲୋଚନା । ଦେଶରେ ଏବେ କୋରୋନା ସଂକ୍ରମଣ ହ୍ରାସ ପାଇଥିବା ବେଳେ କିଛି ରାଜ୍ୟରେ କୋରୋନାର କୋପ କମିନାହିଁ, ଏହାକୁ କିପରି ନିୟନ୍ତ୍ରଣକୁ ଅଣାଯାଇ ପାରିବ ସେନେଇ ଆଲୋଚନା ହେବ ।