ମୁମ୍ବାଇ: ମାୟାନଗରୀ ମୁମ୍ବାଇର ପଶ୍ଚିମ ଉପକଣ୍ଠରେ ଭୁଷୁଡିଲା ଚାରି ମହଲା କୋଠା । ଦୁର୍ଘଟଣାରେ 11 ଜଣଙ୍କ ମୃତ୍ୟୁ ଘଟିଥିବାବେଳେ 8 ଜଣ ଗୁରୁତର । ଗୁରୁତରଙ୍କୁ BDBA ନଗର ଜେନେରାଲ ହସ୍ପିଟାଲରେ ଭର୍ତ୍ତି କରାଯାଇଛି । ବୁଧବାର ବିଳମ୍ବିତ ରାତିରେ ଘଟିଛି ଏହି ଅଘଟଣ । ତେବେ ମୃତକଙ୍କ ମଧ୍ୟରେ ମହିଳା ଓ ପୁରୁଷଙ୍କ ସମେତ 7 ଜଣ ଛୋଟ ଛୁଆ ରହିଥିବା ଜଣାପଡିଛି । ବ୍ରିହାନମୁମ୍ବାଇ ମ୍ୟୁନିସିପାଲ କର୍ପୋରେସନ ପକ୍ଷରୁ ସୂଚନା ।
ଦିନସାରା ବର୍ଷା ପରେ ମୁମ୍ବାଇରେ ଭୁଷୁଡିଲା କୋଠା, 9 ମୃତ
ସୂଚନାଯୋଗ୍ୟ, ଦିନସାରା ପ୍ରବଳ ବର୍ଷା ପରେ ମାଲାଡ ମାଲଭାନୀର ନିଉ କଲେକ୍ଟର କମ୍ପାଉଣ୍ଡ ଅଞ୍ଚଳରେ ରାତି ପ୍ରାୟ 11ଟା 10 ସମୟରେ ଏହି କୋଠାଟି ଭୁଷୁଡିଥିଲା । ଏ ସମ୍ପର୍କରେ ଖବର ପାଇ ଅଗ୍ନିଶମ ବାହିନୀ ଓ ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ । ସ୍ଥାନୀୟ ଲୋକଙ୍କ ସହାୟତାରେ କୋଠା ତଳେ ଫସି ରହିଥିବା ମହିଳା ଓ ଶିଶୁଙ୍କ ସମେତ ପ୍ରାୟ 15 ଜଣଙ୍କୁ ଉଦ୍ଧାର କରାଯାଇଛି । ସେପଟେ କୋଠାଟି ସରକାରୀ କିମ୍ବା ଅଣଆନୁଷ୍ଠାନିକ ତାହା ଏପର୍ଯ୍ୟନ୍ତ ଜଣାପଡିନାହିଁ ।