Russia-Ukraine war: ଖାର୍କିଭରେ ଗୁଳିମାଡରେ ଜଣେ ଭାରତୀୟ ଛାତ୍ର ମୃତ

ୟୁକ୍ରେନରେ ଖାର୍କିଭ ସହରରେ ଗୁଳିମାଡରେ ଜଣେ ଭାରତୀୟ ଛାତ୍ରଙ୍କ ମୃତ୍ୟୁ । ମୃତକଙ୍କ କର୍ଣ୍ଣାଟକର ବସିନ୍ଦା । ସ୍ପଷ୍ଟ କରିବା ସହ ପରିବାରକୁ ସମବେଦନା ଜଣାଇଲା ବୈଦେଶିକ ମନ୍ତ୍ରଣାଳୟ । ଅଧିକ ପଢନ୍ତୁ

ନୂଆଦିଲ୍ଲୀ:ଯୁଦ୍ଧଗ୍ରସ୍ତ ୟୁକ୍ରେନରୁ ଏକ ଦୁଃଖଦ ଖବର ଶୁଣିବାକୁ ମିଲିଛି । ଗୁଳିମାଡରେ ଜଣେ ଭାରତୀୟ ଛାତ୍ରଙ୍କ ମୃତ୍ୟୁ ଘଟିଛି । ଖାର୍କିଭ ସହରରେ ଏହି ଅଘଟଣ ଘଟିଥିବା ବୈଦେଶିକ ବ୍ୟାପାର ମନ୍ତ୍ରଣାଳୟ ମୁଖପାତ୍ର ଅରିନ୍ଦମ ବାଗଚି ସ୍ପଷ୍ଟ କରିଛନ୍ତି ।

ପ୍ରାଣ ହରାଇଥିବା ଛାତ୍ରଙ୍କ ନାମ ନବୀନ ଓ ସେ କର୍ଣ୍ଣାଟକର ହାଭେରୀ ଜିଲ୍ଲା ଚେଲାଗେରି ଗାଁ ବାସିନ୍ଦା । ନବୀନ ଉଚ୍ଚଶିକ୍ଷା ପାଇଁ ୟୁକ୍ରେନ ଯାଇଥିବାବେଳେ 4ର୍ଥ ବର୍ଷର ଛାତ୍ର ଭାବେ ସେଠାରେ ଅଧ୍ୟୟନ କରୁଥିଲେ । ତେବେ ତାଙ୍କର ମୃତ୍ୟୁ ଖବର ମିଳିବା ପରେ ପରିବାର ଲୋକେ ଭାଙ୍ଗି ପଡିଛନ୍ତି । ସମଗ୍ର ଜିଲ୍ଲାରେ ଶୋକାକୁଳ ପରିବେଶ ସୃଷ୍ଟି ହୋଇଛି ।

ସୂଚନା ଅନୁସାରେ ଏହି ଅଘଟଣଟି ଆଜି ସକାଳେ ଘଟିଛି । ବୈଦେଶିକ ବ୍ୟାପାର ମନ୍ତ୍ରଣାଳୟ ମୃତକଙ୍କ ପରିବାର ସହ ଯୋଗାଯୋଗରେ ରହିଛି ଏବଂ ପରିବାରକୁ ଗଭୀର ସମବେଦନା ଜଣାଉଥିବା ମଧ୍ୟ ମନ୍ତ୍ରଣାଳୟ ମୁଖପାତ୍ର କହିଛନ୍ତି । ଏପରି ଘଟଣା ପରେ ସେଠାରୁ ସ୍ଥାନାନ୍ତରଣ ହେଉଥିବା ଭାରତୀୟ ଛାତ୍ରଛାତ୍ରୀଙ୍କ ସୁରକ୍ଷା ନେଇ ଅଭିଭାବକ ମହଲରେ ଆଶଙ୍କା ପ୍ରକାଶ ପାଇଛି । ଅନ୍ୟପଟେ ଅପରେସନ ଗଙ୍ଗାକୁ ବ୍ୟାପକ କରିବା ସହ ଗୋଟିଏ ଗୋଟିଏ ପରେ ନୂଆ ନିର୍ଦ୍ଦେଶାବଳୀ ଜାରି କରିବାରେ ଲାଗିଛି ଭାରତୀୟ ଦୂତାବାସ ।

ବ୍ୟୁରୋ ରିପୋର୍ଟ, ଇଟିଭି ଭାରତ