ମାଲକାନଗିରି:ପୁଣି ମାଓବାଦୀଙ୍କ ଲଙ୍କାକାଣ୍ଡ । ସୁକୁମାରେ ଦଣ୍ଡକାରଣ୍ୟ ଡିଭିଜନ ମାଓ ସଂଗଠନ ପକ୍ଷରୁ ବନ୍ଦ ଡାକରା ଦିଆଯାଇଥିବା ବେଳେ ନିଜ ଉପସ୍ଥିତି ଜାହିର କଲେ ମାଓବାଦୀ । ଯାତ୍ରୀଙ୍କୁ ବସରୁ ଓହ୍ଲାଇ ନିଆଁ ଲଗାଇଦେଲେ ମାଓବାଦୀ । ବସ୍ରେ ଥିବା ୫୦ ପାଖାପାଖି ଯାତ୍ରୀ ସୁରକ୍ଷିତ ଥିବା ବେଳେ ବସ୍ଟି ଜଳି ପୋଡ଼ି ପାଉଁଶ ହୋଇଯାଇଛି ।
ସୂଚନାଅନୁସାରେ, ବସଟି ମାଲକାନଗିରିରୁ ହାଇଦ୍ରାବାଦ ଅଭିମୁଖେ ଯାଉଥିଲା ଏଥିରେ ୪୦ରୁ ୫୦ ଯାତ୍ରୀ ରହିଥିଲେ । କୋଟାଂ ଠାରୁ ୧୫ କିଲୋମିଟର ଦୂର ଆନ୍ଧ୍ରପ୍ରଦେଶର କୋତୁର ଠାରେ ବସକୁ ଅଟକାଇଥିଲେ ମାଓବାଦୀ । ଏହାପରେ ଧମକ ଚମକ ଦେଇ ଯାତ୍ରୀଙ୍କୁ ବାହାରକୁ ବାହାର କରି ବସରେ ନିଆଁ ଲଗାଇଦେଇଥିଲେ ମାଓବାଦୀ । ଫଳରେ ବସଟି ହୁତୁହୁତୁ ହୋଇ ଜଳିଯାଇଥିଲା ।
ମାଓବାଦୀଙ୍କ ଲଙ୍କାକାଣ୍ଡ, ଯାତ୍ରୀଙ୍କୁ ଓହ୍ଲାଇ ଜାଳିଦେଲେ ବସ