ନୂଆଦିଲ୍ଲୀ: ଆଜି ଦେଶର ପ୍ରଥମ ଶିକ୍ଷାମନ୍ତ୍ରୀ ଡ.ଆବୁଲ କଲାମ ଆଜାଦଙ୍କ ଜନ୍ମ ଜୟନ୍ତୀ । ଏହି ଦିବସକୁ ଜାତୀୟ ଶିକ୍ଷା ଦିବସ ଭାବେ ପାଳୁଛି ସାରାଦେଶ । ତେବେ ଏହି ଅବସରରେ ଚିତ୍ରକଳାରେ ଶୁଭେଚ୍ଛା ଜଣାଇଛନ୍ତି ଜଣାଶୁଣା ଚିତ୍ରଶିଳ୍ପୀ ପ୍ରିୟଙ୍କା ସାହାଣୀ ।
ନିଜର ନିଆରା କଳାକୃତି ପାଇଁ ଚର୍ଚ୍ଚାରେ ରହୁଥିବା ପ୍ରିୟଙ୍କା ଭିନ୍ନ ଏକ ଶୈଳୀରେ ଜାତୀୟ ଶିକ୍ଷା ଦିବସର ଶୁଭେଚ୍ଛା ଜଣାଇଛନ୍ତି । ଫ୍ରିଜ୍ କଭର ଓ ପ୍ରାକୃତିକ ରଙ୍ଗ ବ୍ୟବହାର କରି ପ୍ରସ୍ତୁତ ଦୁଇଟି ଚିତ୍ର କଳା ମାଧ୍ୟମରେ ବାର୍ତ୍ତା ଦେଇଛନ୍ତି ପ୍ରୟିଙ୍କା । ଗୋଟିଏ ଚିତ୍ରରେ ଜଣେ ଶିଶୁ ଶ୍ରମିକ ନଜର ଆସୁଥିବାବେଳେ ଅନ୍ୟ ଚିତ୍ରରେ ଜଣେ ଶିଶୁ ବିଦ୍ୟାର୍ଥୀ କମ୍ପ୍ୟୁଟରରେ କାମ କରୁଥିବା ଦେଖିବାକୁ ମିଳିଛି ।