ରାଞ୍ଚି:ଏବେବି ସମାଜରେ ଲୁଚି ରହିଛି ଅନ୍ଧବିଶ୍ବାସ । କେତେବେଳେ ଗୁଣି ଗାରେଡ଼ି ସନ୍ଦେହରେ କାହାକୁ ହତ୍ୟା କରାଯାଉଛି ତ ପୁଣି କେତେବେଳେ ଗାଁରୁ ବାସନ୍ଦ କରାଯାଉଛି । ଝାଡ଼ଖଣ୍ଡ ରାଞ୍ଚିର ରାଣାଡିହ ଗ୍ରାମରୁ ଏଭଳି କିଛି ଘଟଣା ସାମ୍ନାକୁ ଆସିଛି । ଡାହାଣୀ ସନ୍ଦେହରେ ତିନି ମହିଳାଙ୍କୁ ପିଟି ପିଟି ହତ୍ୟା କରାଯାଇଥିବା ଅଭିଯୋଗ (murder of three women by witchcraft in Ranchi) ହୋଇଛି । ହତ୍ୟାକାଣ୍ଡରେ ମୃତ ମହିଳାଙ୍କ ପୁଅ ଏବଂ ସ୍ବାମୀ ମଧ୍ୟ ସାମିଲ ଥିବା ଜଣାପଡ଼ିଛି । ଏହି ଘଟଣାରେ 5 ଜଣଙ୍କୁ ଗିରଫ କରି ପୋଲିସ ପଚରା ଉଚରା କରୁଛି ।
ସୂଚନା ଅନୁଯାୟୀ, ଗ୍ରାମର ଏକ ବିଦ୍ୟାଳୟ ଛାତ୍ରକୁ ସାପ କାମୁଡ଼ି ଦେଇଥିଲା । ଏହାପରେ ପରିବାର ଲୋକେ ଗୁଣିଆ ପାଖକୁ ନେଇ ଝଡ଼ା ଫୁଙ୍କା କରାଇଥିଲେ । ଏହି ସମୟରେ ଉକ୍ତ ଛାତ୍ରର ମୃତ୍ୟୁ ଘଟିଥିବାବେଳେ ଗ୍ରାମରେ ଡାହାଣୀ ବୁଲୁଥିବା ଚାରିଆଡେ ପ୍ରଚାର ହେଲା । ଗ୍ରାମର ଆଉ ଜଣଙ୍କ ପୁଅକୁ ମଧ୍ୟ ସାପ କାମୁଡ଼ିଥିଲା । ସୌଭାଗ୍ୟ ବସତଃ ଚିକିତ୍ସା ବଳରେ ସେ ସୁସ୍ଥ ହୋଇଗଲେ । କିନ୍ତୁ ଗୁଣି ଗାରେଡ଼ି ସନ୍ଦେହରେ ଗ୍ରାମରେ ବୈଠକ ହୋଇ ତିନି ମହିଳାଙ୍କୁ ଡାହାଣୀ ବୋଲି ଦୋଷୀ ସାବ୍ୟସ୍ତ କରାଗଲା ।