ମୁମ୍ବାଇ: ସାଜସଜ୍ଜା ଗୋଦାମ ଘରେ ଭୟଙ୍କର ନିଆଁ ଲାଗିଥିବା ଜଣାପଡିଛି । ଆଜି ପ୍ରାୟ ଅପରାହ୍ନ 2ଟାବେଳେ ନିଆଁ ଲାଗିଥିବା ସୂଚନା ରହିଛି । ଖବର ମିଳିବା ପରେ 5ଟି ଦମକଳ ବାହୀନି ପହଞ୍ଚି ନିଆଁକୁ ଆୟତ୍ତ କରିବାକୁ ପ୍ରୟାସ କରିଥିଲେ । ପ୍ରାୟ 2 ଘଣ୍ଟା କାଳ ପରିଶ୍ରମ ପରେ ନିଆଁକୁ ଆୟତ କରିବାରେ ସଫଳ ହୋଇଥିଲେ ଅଗ୍ନିଶମ ବାହୀନି ।
ଜଳିଗଲା ଗୋଦାମ , କୌଣସି ମୃତାହତଙ୍କ ସୂଚନା ନାହିଁ ଏହି ଅଗ୍ନିକାଣ୍ଡରେ ଡେକୋରେସନ ଗୋଦାମଟି ସମ୍ପୂର୍ଣ୍ଣ ଭାବେ ଜଳି ପାଉଁଶ ହୋଇଯାଇଥିବା ଦେଖିବାକୁ ମିଳିଛି । କିନ୍ତୁ ଏହି ଭୟଙ୍କର ଅଗ୍ନିକାଣ୍ଡରେ କାହାର ଜୀବନ ଯାଇନଥିବା ସୂଚନା ରହିଛି, ଯାହା ସମସ୍ତଙ୍କୁ ଆଶ୍ୱସ୍ତ କରିଛି । ତେବେ କେଉଁ କାରଣରୁ ଅଗ୍ନିକାଣ୍ଡ ଘଟିଲା ତାହା ବର୍ତ୍ତମାନ ସୁଦ୍ଧା ସ୍ପଷ୍ଟ ହୋଇ ପାରିନଥିବାବେଳେ ସ୍ଥାନୀୟ ପୋଲିସ ଓ ଫାୟାର ଟିମ ତଦନ୍ତ ଆରମ୍ଭ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
