ଭୋପାଳ: ମଧ୍ୟପ୍ରଦେଶ ଭୋପାଳର ସାଗର ଜିଲ୍ଲା ମୋତିନଗର ଥାନା ପୋଲିସକୁ ବଡ ସଫଳତା । ଆନ୍ତରାଜ୍ୟ ଗଞ୍ଜେଇ ଚାଲାଣକାରୀଙ୍କ ପର୍ଦାଫାସ କରିବା ସହ 6 ଜଣଙ୍କୁ ଗିରଫ କରିଛି ପୋଲିସ । ଗିରଫ ଅଭିଯୁକ୍ତମାନେ ଛତିଶଗଡ ଓ ଓଡିଶାର ହୋଇଥିବା ଜଣାପଡିଛି ।
ଏମାନେ ସମସ୍ତେ ଭୋପାଳର ସାଗରକୁ ଗଞ୍ଜେଇ ବ୍ୟବସାୟ ପାଇଁ 2ଟି କାରରେ ଗଞ୍ଜେଇ ନେଇ ଆସୁଥିଲେ । ଜବତ ହୋଇଥିବା ଗଞ୍ଜେଇର ଆନୁମାନିକ ମୂଲ୍ୟ ସାଢେ 7 ଲକ୍ଷରୁ ଉର୍ଦ୍ଧ୍ବ ହେବ ବୋଲି ପୋଲିସ ପକ୍ଷରୁ ସୂଚନା ମିଳିଛି । ଏ ସମସ୍ତଙ୍କୁ ଗିରଫ କରାଯାଇ ପଚରାଉଚରା ଜାରି ରଖିଥିବାବେଳେ ଏହି ଚେର କେତେ ଦୂର ଲମ୍ବିଛି । ଏହି ଆନ୍ତରାଜ୍ୟ ଚୋରା ଗଞ୍ଜେଇ ଚାଲାଣକାରୀଙ୍କ ନେଟୱାର୍କ ବାବଦରେ ଅଧିକ ତଦନ୍ତ କରାଯାଉଛି ।