ରାୟପୁର: ଆଜି ଇସଲାମ ଧର୍ମର ପ୍ରମୁଖ ପର୍ବ ବକରା-ଇଦ ବା ଇଦ-ଉଲ-ଜୁହା । ଇସଲାମିକ କ୍ୟାଲେଣ୍ଡର ମୁତାବକ 12ତମ ମାସର 10 ତାରିଖ ଦିନ ବକରି ଇଦ୍ ପାଳନ କରାଯାଏ । ଏହାକୁ ଇଦ୍-ଉଲ୍-ଅଧା ମଧ୍ୟ କୁହାଯାଏ । ଏହି ଅବସରରେ ଆଜି ବିଭିନ୍ନ ସ୍ଥାନରେ ଚଢ଼ା ଦରରେ ଛେଳି ବିକ୍ରି ହେଉଥିବା ଦେଖିବାକୁ ମିଳିଛି ।
ରାୟପୁରର ଛେଳି ମଣ୍ଡିରେ ରବିବାର ଇସଲାମ ଧର୍ମଙ୍କ ପ୍ରବଳ ଭିଡ଼ ପରିଲକ୍ଷିତ ହୋଇଛି । ରାୟପୁରର ବୈଜନାଥପାରାର ସିରତ ମୈଦାନରେ ଏକ ଛେଳି ବଜାର ରହିଛି । ଯେଉଁଠିକୁ ଦେଶର ବିଭିନ୍ନ ଅଞ୍ଚଳର ଛେଳି ବ୍ୟବସାୟୀ ବକରା-ଇଦ ସମୟରେ ପହଞ୍ଚିଥାନ୍ତି । ମଧ୍ୟପ୍ରଦେଶର ଅନୁପପୁର ଛେଳିକୁ ନେଇ ବେଶ ଚର୍ଚ୍ଚା ଦେଖିବାକୁ ମିଳିଛି । ଏହାର ମୂଲ୍ୟ 70 ଲକ୍ଷ ଟଙ୍କା ରଖାଯାଇଛି । ଛେଳି ବ୍ୟବସାୟୀ କହିଛନ୍ତି, ରାୟପୁର ବଜାରରେ ଏପର୍ଯ୍ୟନ୍ତ ଏହାକୁ କିଣିବା ପାଇଁ କେହି ଆସିନାହାନ୍ତି । କିନ୍ତୁ ନାଗପୁରରୁ ଉକ୍ତ ଛେଳି କିଣିବାକୁ 22ଲକ୍ଷ ଟଙ୍କାର ଅଫର ଆସିଛି । ସେହିପରି ମଧ୍ୟପ୍ରଦେଶର ଅଗର ମାଲୱାରେ 11 ଲକ୍ଷ ଟଙ୍କାର ଛେଳି ବିକ୍ରି ହେଉଛି । ଛେଳିର ନାମ ହେଉଛି ସୁଲତାନ । ବ୍ୟବସାୟୀ ଦାବି କରିଛନ୍ତି, ଛେଳି ଶରୀରରେ ଆଲ୍ଲା ଓ ପ୍ରଫେଟ ମହମ୍ମଦଙ୍କ ନାଁ ଲେଖାହୋଇଛି । ତେଣୁ ଏହାର ମୂଲ୍ୟ ଅଧିକ ରହିଛି । ପ୍ରତିଦିନ ଛେଳି 100 ଗ୍ରାମ କାଜୁ ଏବଂ ବାଦାମ ଖାଏ। ତିନି ଫୁଟ ସୁଲତାନର ଓଜନ ପ୍ରାୟ 60 କେଜି ବୋଲି କୁହାଯାଇଛି।