ନୂଆଦିଲ୍ଲୀ: ଦୁନିଆର ମସଲା କମ୍ପାନୀ ବାଦଶାହ କୁହାଯାଉଥିବା ମହାଶୟ ଧର୍ମପାଲ ଗୁଲାଟୀଙ୍କ ଦେହାନ୍ତ । 97 ବର୍ଷ ବୟସରେ ତାଙ୍କର ପରଲୋକ ହୋଇଛି । ମାତା ଚନ୍ଦନ ଦେବୀ ହସ୍ପିଟାଲରେ ଆଜି(ଗୁରୁବାର) ସକାଳ ପାଖାପାଖି 6 ଟାରେ ସେ ଇହଧାମ ତ୍ୟାଗ କରିଛନ୍ତି । ତାଙ୍କ ବିୟୋଗରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଟ୍ବିଟ୍ କରି ଶୋକପ୍ରକାଶ କରିଛନ୍ତି । ସେହିପରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଟ୍ବିଟ୍ କରି ଶୋକବ୍ୟକ୍ତ କରିଛନ୍ତି ।
ସୂଚନାଥାଉକି, ମହାଶୟ ଧର୍ମପାଲ ଗୁଲାଟୀଙ୍କ ବଂଶଧର ବିହାରରେ ରୁହନ୍ତି । ସାରା ଦୁନିଆରେ ନିଜର ମସଲା ବ୍ୟବସାୟ ପାଇଁ ସେ ସମସ୍ତଙ୍କ ନିକଟରେ ପରିଚିତ ହୋଇଛନ୍ତି । ଏମଡିଏଚ ମସଲାର ମାଲିକ ଥିବା ମହାଶୟ ଧର୍ମପାଲ ଗୁଲାଟୀ ନିଜର ଉନ୍ନତ ମାନର ମସଲା ପାଇଁ ଘରେ ଘରେ ପରିଚିତ ଥିଲେ ।
ମହାଶୟ ଧର୍ମପାଲଙ୍କ ପୁଅ
ତେବେ ଏହି ବ୍ୟବସାୟରେ ମଧ୍ୟ ତାଙ୍କୁ ଅନେକ ଉତଥାନ-ପତନ ଦେଇ ଗତି କରିବାକୁ ପଡିଛି । ଏମଡିଏଚ ମସଲାର ବିଜ୍ଞାପନରେ ଦେଖାଯାଉଥିବା ଧର୍ମପାଲ ଗୁଲାଟୀ ଜଣେ ଭଲ ଉଦ୍ୟୋଗପତି ଥିଲେ ।