ଆସାମ ମେଘାଳୟ ସୀମାବର୍ତ୍ତୀ ଗ୍ରାମରେ ଭୟାବହ ଅଗ୍ନିକାଣ୍ଡ, ଜଳିଗଲା ଶତାଧିକ ଘର

ଆସାମ ମେଘାଳୟ ସୀମାବର୍ତ୍ତୀ ଗ୍ରାମରେ ଭୟାବହ ଅଗ୍ନିକାଣ୍ଡରେ ଜଳିଗଲା ଶତାଧିକ ଘର ଓ ଦୋକାନ । କ୍ଷୟକ୍ଷତି ନେଇ ମିଳିନି ସୂଚନା । ଜାରି ରହିଛି ନିଆଁ ଲିଭା କାର୍ଯ୍ୟ । ଅଧିକ ପଢନ୍ତୁ

ଗୌହାଟୀ: ଆସାମ-ମେଘାଳୟର ଏକ ସୀମାବର୍ତ୍ତୀ ଗ୍ରାମରେ ଭୟାବହ ଅଗ୍ନିକାଣ୍ଡ ଘଟିଛି । ଦୁଇ ରାଜ୍ୟର ସୀମାରେ ଥିବା ଆସାମର କର୍ବି ଆଙ୍ଗଲୋଙ୍ଗ ଜିଲ୍ଲାର ବୋକାଜନ ଅନ୍ତର୍ଗତ ଲୋହାରିଜାନ ଏରିଆରେ ଥିବା ଏକ ଗ୍ରାମରେ ଏହି ଅଗ୍ନିକାଣ୍ଡ ଘଟିଛି (Lahorijaan area near Bokajan)। ଏଥିରେ ଶତାଧିକ ଘର ଓ ଦୋକାନ ଜଳି ପାଉଁଶ ହୋଇଯାଇଛି । ନିଆଁଲିଭାଇବା କାର୍ଯ୍ୟରେ ଏକାଧିକ ଫାଏର ଟିମ ନିୟୋଜିତ ହୋଇଛନ୍ତି ।

ନିଆଁରେ ଗ୍ରାମର ଶତାଧିକ ଘର ଓ ଦୋକାନ ଜଳି ପାଉଁଶ ହୋଇଯାଇଥିବା ବେଳେ ବର୍ତ୍ତମାନ ସୁଦ୍ଧା ମୃତାହତଙ୍କ ସମ୍ପର୍କରେ କିଛି ସୂଚନା ମିଳିନାହିଁ । ସେହିପରି କେଉଁ କାରଣରୁ ନିଆଁ ଲାଗିଲା ତାହା ମଧ୍ୟ ଜଣାପଡିନାହିଁ ।

ବ୍ୟୁରୋ ରିପୋର୍ଟ, ଇଟିଭି ଭାରତ