ଶ୍ରୀନଗର: 'ମୋ ବାପା ଜଣେ ସାହସୀ ମଣିଷ ଥିଲେ ' ନିଜ ଘର ସାମ୍ନାରେ ଗଣମାଧ୍ୟମକର୍ମୀଙ୍କୁ ବୟାନ ଦେଉଥିବା ସିମୃଦ୍ଧି ବିନ୍ଦରୁଙ୍କ ଆଖିରେ ନା ଥିଲା ଲୁହ ନା ଭୟ । ଘାଟିର ଜଣାଶୁଣା ଫାର୍ମାସିଷ୍ଟ ମାଖନଲାଲ ବିନ୍ଦରୁଙ୍କ ଝିଅ ସିମୃଦ୍ଧି ବିରୁନ୍ଦ କହିଛନ୍ତି, ମୋ ବାପାଙ୍କର ହୁଏତ ମୃତ୍ୟୁ ହୋଇଯାଇଛି, କିନ୍ତୁ ତାଙ୍କ ଆତ୍ମା ସର୍ବଦା ଜୀବିତ ରହିବ ।
ମଙ୍ଗଳବାର ଶ୍ରୀନଗରରେ ଆତଙ୍କବାଦୀମାନେ କାଶ୍ମୀର ପଣ୍ଡିତ ମାଖନଲାଲ ବିନ୍ଦରୁଙ୍କୁ ଗୁଳି କରି ହତ୍ୟା କରିଥିଲେ । ତାଙ୍କ ଫାର୍ମାସିରେ ମାଖନଲାଲଙ୍କ ଉପରେ ଗୁଳି ଚଳାଇଥିଲେ ଆତଙ୍କବାଦୀ । ନିଜ ବାପାଙ୍କ ହତ୍ୟାକୁ ନେଇ ସିମୃଦ୍ଧି କହିଛନ୍ତି, ତୁମେ ଜଣେ ବ୍ୟକ୍ତିଙ୍କୁ ହତ୍ୟା କରିପାରିବ, କିନ୍ତୁ ମାଖନ ଲାଲଙ୍କ ଆତ୍ମାକୁ ନୁହେଁ । ଯିଏ ମୋ ବାପାଙ୍କୁ ହତ୍ୟା କରିଛି, ସେ ମୋ ସାମ୍ନାକୁ ଆସୁ । ମୋ ବାପା ମୋତେ ଶିକ୍ଷା ଦେଇଛନ୍ତି, କିନ୍ତୁ ରାଜନେତାମାନେ ଆପଣଙ୍କୁ ବନ୍ଧୁକ ଓ ପଥର ଦେଇଛନ୍ତି। ତୁମେ ବନ୍ଧୁକ ଏବଂ ପଥର ଧରି ଯୁଦ୍ଧ କରିବାକୁ ଚାହୁଁଛ । ଏହା ଭୀରୁତା । ରାଜନେତା ତୁମକୁ ବ୍ୟବହାର କରୁଛନ୍ତି । ଶିକ୍ଷା ସହିତ ସଂଗ୍ରାମ କରିବାକୁ ଆତଙ୍କୀଙ୍କୁ ଚ୍ୟାଲେଞ୍ଜ ଦେଇଛନ୍ତି ବିନ୍ଦରୁଙ୍କ ଝିଅ ।