ଲୋକସଭାରେ ସମ୍ବୋଧନ ପୂର୍ବରୁ TMC ସାଂସଦଙ୍କ ଟ୍ବିଟ, କହିଲେ ଗୋମୁତ୍ର ପିଇ ପ୍ରସ୍ତୁତ ରହୁ ବିଜେପି ଟିମ

ଲୋକସଭାରେ ଚର୍ଚ୍ଚା ପୂର୍ବରୁ ଟିଏମସି ସାଂସଦଙ୍କ ଚର୍ଚ୍ଚିତ ଟ୍ବିଟ । ବିଜେପି ସଦସ୍ୟଙ୍କୁ କହିଲେ ଗୋମୁତ୍ର ପିଇ ପ୍ରସ୍ତୁତ ରହିବାକୁ କଲେ ଆହ୍ବାନ । ଅଧିକ ପଢନ୍ତୁ

ନୂଆଦିଲ୍ଲୀ: ଆଜି ଲୋକସଭାରେ ରାଷ୍ଟ୍ରପତିଙ୍କ ସମ୍ବୋଧନ ଉପରେ ପ୍ରତିକ୍ରିୟା ରଖିବା ପୂର୍ବରୁ ବିବାଦୀୟ ଟ୍ବିଟ କରିଛନ୍ତି ତୃଣମୂଳ କଂଗ୍ରେସ ସାଂସଦ ମହୁଆ ମୋଇତ୍ରା । ସେ ଆଜି ଗୃହରେ ନିଜ ପ୍ରତିକ୍ରିୟା ପୂର୍ବରୁୁ ମୋଇତ୍ରା ଟ୍ବିଟ କରି କହିଛନ୍ତି ସେ ରାଷ୍ଟ୍ରପତିଙ୍କ ସମ୍ବୋଧନ ଉପରେ ସେ ସଂନ୍ଧ୍ୟାରେ ପ୍ରତିକ୍ରିୟା ରଖିବେ । ବିଜେପି ନିଜର ହେଲକର ଟିମକୁ ଗୋମୁତ୍ର ପିଆଇ ପ୍ରସ୍ତୁତ ରଖିବାକୁ ଟ୍ବିଟରେ କହିଛନ୍ତି ମହୁଆ ।

ତେବେ ଗତକାଲି କଂଗ୍ରେସ ସାଂସଦ ରାହୁଲ ଗାନ୍ଧୀ ରାଷ୍ଟ୍ରପତିଙ୍କ ଅଭିଭାଷଣ ଉପରେ ଚର୍ଚ୍ଚା ବେଳେ ସରକାରଙ୍କୁ ଦୃଢ ସମାଲୋଚନା କରିଥିଲେ । ଅର୍ଥନୀତି ବିଫଳତା ବେରୋଜଗାରୀ ଠାରୁ ଆରମ୍ଭ କରି ବୈଦେଶିକ ନୀତି ପର୍ଯ୍ୟନ୍ତ ସାଂସଦ ରାହୁଲ ଗାନ୍ଧୀ ସରକାରଙ୍କୁ ଟାର୍ଗେଟ କରିବାର ଗୋଟିଏ ଦିନ ପରେ ଟିଏମସି ସାଂସଦ ମହୁଆ ମୋଇତ୍ରାଙ୍କର ଏପରି ଟ୍ବିଟ ସାମ୍ନାକୁ ଆସିଛି ।

ବ୍ୟୁରୋ ରିପୋର୍ଟ, ଇଟିଭି ଭାରତ