ଚଣ୍ଡିଗଡ:ହରିୟାଣାରେ ପୁଣି ବଡିଲା ଲକଡାଉନ । ଜୁନ୍ 21 ପର୍ଯ୍ୟନ୍ତ ଲକଡାଉନକୁ ବୃଦ୍ଧି କଲେ ରାଜ୍ୟ ସରକାର । କୋରୋନା ସଂକ୍ରମଣକୁ ଦୃଷ୍ଟିରେ ରଖି ଏପରି ନିଷ୍ପତି ନେଇଛନ୍ତି ହରିୟାଣା ସରକାର ।
ଏନେଇ ନୂତନ ନିର୍ଦ୍ଦେଶାବଳୀ ମଧ୍ୟ ଲାଗୁ କରାଯାଇଛି । ପ୍ରତିଦିନ ଦୋକାନ ଗୁଡିକୁ ସକାଳ 9ରୁ ରାତି 8ଟା ପର୍ଯ୍ୟନ୍ତ ଖୋଲା ରଖିବାକୁ ଅନୁମତି ଦିଆଯାଇଛି । ମଲ୍ ଗୁଡିକୁ ସକାଳ 10 ରୁ ରାତି 8ଟା ପର୍ଯ୍ୟନ୍ତ ଖୋଲିବାକୁ ଅନୁମତି ଦିଆଯାଇଛି | ଜିମ୍ ଗୁଡିକ ସକାଳ 6ରୁ 8ଟା ପର୍ଯନ୍ତ ଖୋଲା ରହିବ । କିନ୍ତୁ ସ୍ପା ଗୁଡିକ ବନ୍ଦ ରହିବ ।
ରେଷ୍ଟୁରାଣ୍ଟ ଏବଂ ବାରଗୁଡିକ ସକାଳ 10ରୁ ରାତି 10ଟା ପର୍ଯ୍ୟନ୍ତ ଖୋଲା ରହିବା ନେଇ ହରିୟାଣା ସରକାରଙ୍କ ଦ୍ବାରା ଜାରି ଏକ ବିଜ୍ଞପ୍ତିରେ କୁହାଯାଇଛି ।