ବେଙ୍ଗାଲୁରୁ: କେମ୍ପେଗୌଡା ଏୟାରପୋର୍ଟରେ ଅଭାବନୀୟ ଘଟଣା ଘଟିଛି (Bengaluru's Kempegowda International Airport) । ସିକ୍ୟୁରିଟି ଚେକିଂ ସମୟରେ ଜଣେ ମହିଳା ଯାତ୍ରୀଙ୍କୁ ସୁରକ୍ଷାକର୍ମୀ ଡ୍ରେସ୍ ଖୋଲିବା ପାଇଁ କହିଥିବା ଅଭିଯୋଗ ହୋଇଛି । ଏନେଇ ମହିଳା ଯାତ୍ରୀ ଜଣକ ସୋସିଆଲ ମିଡିଆରେ ଟ୍ବିଟ୍ କରି ଅଭିଯୋଗ କରିଛନ୍ତି । ସୁରକ୍ଷାକର୍ମୀମାନେ ଚେକିଂ ସମୟରେ ଡ୍ରେସ ଖୋଲିବାକୁ କହିବା ପରେ ସେ ଅପମାନିତ ହୋଇଥିବା କଥା ଟ୍ବିଟ୍ରେ କହିଛନ୍ତି ।
ନିଜକୁ ଜଣେ ଛାତ୍ରୀ ଏବଂ ମ୍ୟୁଜିସିଆନ ଭାବେ ପରିଚୟ ଦେବାସହ କୃଷ୍ଣାନୀ ଗଡବୀ(Krishani Gadhvi) ନାମକ ଜଣେ ମହିଳା ବେଙ୍ଗାଲୁରୁ ଏୟାରପୋର୍ଟକୁ ଟ୍ୟାଗ କରି ଟ୍ବିଟକରି କହିଛନ୍ତି,"ବେଙ୍ଗାଲୁରୁ କେମ୍ପେଗୌଡା ବିମାନ ବନ୍ଦରରେ ଚେକିଂ ସମୟରେ ମୋତେ ଡ୍ରେସ ଉଠାଇବା ପାଇଁ ସୁରକ୍ଷାକର୍ମୀମାନେ କହିଥିଲେ । ମୁଁ କେବଳ ଗୋଟିଏ କେମିଶୋଲ ପିନ୍ଧିଥିବା ବେଳେ ସେମାନେ ମୋତେ ଚେକିଂ ସମୟରେ ବାହାର କରିବା ପାଇଁ କହିଥିଲେ । ଚେକିଂ ସମୟରେ ଡ୍ରେସ ବାହାର କରିବା କଣ ଆବଶ୍ୟକ ରହିଥିଲା ?"
ଏହା ମଧ୍ଯ ପଢନ୍ତୁ: Hockey World Cup: ପ୍ରଥମ ବିଦେଶୀ ଦଳ ଭାବେ ଭୁବନେଶ୍ଵରରେ ପହଞ୍ଚିଲା ନେଦରଲାଣ୍ଡସ
ତେବେ କୃଷ୍ଣାନୀଙ୍କ ଟ୍ବିଟରେ ବେଙ୍ଗାଲୁରୁ ଏୟାରପୋର୍ଟ ପ୍ରତିଉତ୍ତର ଦେଇ କହିଛି,"ଏହି ଘଟଣା ପାଇଁ ଆମେ ଦୁଃଖିତ । ଏହି ଘଟଣାକୁ ଆମେ ଆମର ଅପରେସନ ଟିମକୁ ଜଣାଇବୁ । CISF(Central Industrial Security Force)ର ସୁରକ୍ଷା ବ୍ୟବସ୍ଥାକୁ ବଢାଇବା ପାଇଁ ଆମେ ଆଲୋଚନା କରିବୁ ।