ନୂଆଦିଲ୍ଲୀ: ଅବକାରୀ ଦୁର୍ନୀତି ମାମଲରେ ଆପ ନେତା ଛନ୍ଦି ହୋଇ(Delhi Liquor Scam) କେନ୍ଦ୍ରୀୟ ତଦନ୍ତକାରୀ ସଂସ୍ଥାର କାର୍ଯ୍ୟାନୁଷ୍ଠାନ ପରେ ବିଜେପି ଓ ଆପ ମଧ୍ୟରେ ତିବ୍ର ହୋଇଛି ଆରୋପ ପ୍ରତ୍ୟାରୋପ । ସୋମବାର କେଜ୍ରିଓ୍ବାଲ ବିଜେପି ଉପରେ ବର୍ଷିବା ସହ ସିସୋଦିଆଙ୍କୁ ଭାରତ ରତ୍ନ ମିଳିବା ଆବଶ୍ୟକ ବୋଲି କହିଥିଲେ । ଏହାକୁ କଟାକ୍ଷ କରିଛି ବିଜେପି । ଭାରତ ରତ୍ନପରେ ଦିଲ୍ଲୀ ମୁଖ୍ୟମନ୍ତ୍ରୀ ନିଜ ପାଇଁ ନୋବେଲ ପୁରଷ୍କାର ଦାବି କରିବେ ବୋଲି କହିଛନ୍ତି ବିଜେପିର ଜାତୀୟ ସାଧାରଣ ସମ୍ପାଦକ ବିଏଲ ସନ୍ତୋଷ ।
ଏନେଇ ବିଜେପି ସାଧାରଣ ସମ୍ପାଦକ ଟ୍ବିଟ କରି କହିଛନ୍ତି, ''ଯେ ସ୍ବାସ୍ଥ୍ୟମନ୍ତ୍ରୀ ସତ୍ୟନ୍ଦ୍ର ଜୈନଙ୍କୁ ପଦ୍ମ ବିଭୂଷଣ, ମନୀଷ ସିସୋଦିଆଙ୍କୁ ଭାରତ ରତ୍ନ ଓ ଏହାପରେ ନିଜ ପାଇଁ ନୋବେଲ ପୁରସ୍କାର ପ୍ରଦାନ ନେଇ ଦାବି କରିବେ ବୋଲି କହିଛନ୍ତି ବିଏଲ ସନ୍ତୋଷ ।"
ଏହା ମଧ୍ୟ ପଢନ୍ତୁ-ଦିଲ୍ଲୀରେ ଫେଲ ମାରିଛି Operation lotus, ସିସୋଦିଆଙ୍କୁ ଭରତରତ୍ନ ମିଳିବା ଉଚିତ କହିଲେ କେଜ୍ରିଓ୍ୱାଲ
ସୋମବାର ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ ବିଜେପି ବିରୋଧରେ ସାଙ୍ଘାତିକ ଅଭିଯୋଗ ଆଣିଥିଲେ । AAP ଛାଡି BJPରେ ସାମିଲ ହେଲେ ତାଙ୍କ ବିରୋଧରେ ଚାଲିଥିବା ସମସ୍ତ ମାମଲାର ତଦନ୍ତକୁ ବନ୍ଦ କରାଯିବ ବୋଲି ବିଜେପି ପକ୍ଷରୁ ପ୍ରସ୍ତାବ ଆସିଥିବା ସିସୋଦିଆ କହିଥିଲେ । ଏପରି ନକରିବାରୁ ତାଙ୍କ ବିରୋଧରେ ଆକ୍ରୋଶମୂଳକ କାର୍ଯ୍ୟାନୁଷ୍ଠାନ ଜାରି ରହିଥିବା ସେ ଅଭିଯୋଗ କରିଥିଲେ ।
ଏହାର କିଛି ସମୟ ପରେ କେଜ୍ରିଓ୍ବାଲ ବିଜେପି ଉପରେ ବର୍ଷିବା ସହ ସିସୋଦିଆଙ୍କୁ ଭାରତ ରତ୍ନ ମିଳିବା ଆବଶ୍ୟକ ବୋଲି କହିଥିଲେ । ଭାରତରତ୍ନ ପାଇବା ପାଇଁ ସିସୋଦିଆ ସମ୍ପୂର୍ଣ୍ଣ ଯୋଗ୍ୟ । ସିସୋଦିଆ ଦିଲ୍ଲୀର ଶିକ୍ଷାମନ୍ତ୍ରୀ ମଧ୍ୟ । ତାଙ୍କ ନେତୃତ୍ବରେ ଦିଲ୍ଲୀରେ ଶିକ୍ଷା ବ୍ୟବସ୍ଥାରେ ଉଲ୍ଲେଖନୀୟ ସୁଧାର ଆସିଛି । ସେ ଭାରତରତ୍ନ ପାଇବା ପାଇଁ ସମ୍ପୂର୍ଣ୍ଣ ଯୋଗ୍ୟ କିନ୍ତୁ, ତାଙ୍କୁ ରାଜନୈତିକ ଉଦ୍ଦେଶ୍ୟରେ ହଇରାଣ କରାଯାଉଛି ବୋଲି କେଜ୍ରିଓ୍ବାଲ କହିଥିଲେ ।
