ଦିଲ୍ଲୀ ଏୟାରପୋର୍ଟରେ କାଶ୍ମୀର ସାମ୍ବାଦିକା ସନା ଇରସାଦ ମଟ୍ଟୁ ଅଟକ

ଦିଲ୍ଲୀ ବିମାନବନ୍ଦରରେ ପୁଲିତଜର ପୁରସ୍କାର ପ୍ରାପ୍ତ(Pulitzer winner) କାଶ୍ମୀର ସାମ୍ବାଦିକା ସନା ଇରସାଦ ମଟ୍ଟୁ ଅଟକ । ଅଧିକ ପଢନ୍ତୁ

ଶ୍ରୀନଗର:ଦିଲ୍ଲୀ ଇନ୍ଦିରା ଗାନ୍ଧୀ ଆନ୍ତର୍ଜାତିକ ବିମାନବନ୍ଦରରେ ପୁଲିତଜର ପୁରସ୍କାର ପ୍ରାପ୍ତ(Pulitzer winner) କାଶ୍ମୀର ସାମ୍ବାଦିକା ସନା ଇରସାଦ ମଟ୍ଟୁ ଅଟକ । ଆଜି ସନା ବିଦେଶ ଗସ୍ତରେ ଯାଉଥିବା ସମୟରେ ବିମାନବନ୍ଦର ଅଧିକାରୀ ତାଙ୍କୁ ଅଟକ ରଖିଛନ୍ତି । ଏନେଇ ସେ ନିଜେ ଟ୍ବିଟ୍ କରି ସୂଚନା ଦେଇଛନ୍ତି । ଯାହା ଜଣାପଡିଛି, ସନା ଫ୍ରାନ୍ସ ଯିବା ପାଇଁ ବିମାନବନ୍ଦରରେ ପହଞ୍ଚିଥିଲେ । ହେଲେ ଅଧିକାରୀ ତାଙ୍କୁ ଦେଶ ବାହାରକୁ ଯିବା ପାଇଁ ଅନୁମତି ଦେଇନଥିଲେ ।

ଏନେଇ ସନା ଇରସାଦ ଟ୍ବିଟ୍ କରିଛନ୍ତି, ''ପ୍ୟାରିସ୍‌ରେ ଆୟୋଜିତ ଫଟୋଗ୍ରାଫି ମେଳା(photography exhibition) ଏବଂ ଏକ ପୁସ୍ତକ ଉନ୍ମୋଚନ କାର୍ଯ୍ୟକ୍ରମରେ ଯୋଗ ଦେବାକୁ ମୋର ଦିଲ୍ଲୀ ବିମାନ ବନ୍ଦରରୁ ଯାତ୍ରା କରିବାର ଥିଲା । ମୋ ନିକଟରେ ଫ୍ରାନ୍ସ ଭିସା ଥିବା ସତ୍ତ୍ବେ ମୋତେ ବିମାନ ବନ୍ଦରର ଇମିଗ୍ରେସନ ଡେସ୍କ ନିକଟରେ ଅଟକ ରଖାଗଲା ।'' କିନ୍ତୁ କାହିଁକି ବିଦେଶ ଯାତ୍ରା ପାଇଁ ତାଙ୍କୁ ଅନୁମତି ଦିଆଗଲା ନାହିଁ, ତାହାର କାରଣ ମଧ୍ୟ କୁହାଯାଇନଥିବା ସନା କହିଛନ୍ତି । ଏହାକୁ ନେଇ ସେ ତୀବ୍ର ଅସନ୍ତୋଷ ପ୍ରକାଶ କରିଛନ୍ତି ।