ବେଙ୍ଗାଲୁରୁ:କର୍ଣ୍ଣାଟକରେ ଜଣେ JDS ବିଧାୟକଙ୍କ ଔଧତ୍ୟ ସାମ୍ନାକୁ ଆସିଛି । ସାଧାରଣ ପ୍ରଶ୍ନକୁ ନେଇ ଏକ କଲେଜର ପ୍ରିନ୍ସିପାଲଙ୍କୁ ସର୍ବସମ୍ମୁଖରେ ଚାପୁଡା ମାରିଲେ ଜେଡିଏସ ବିଧାୟକ ଏମ ଶ୍ରୀନିବାସ । କଲେଜରେ ଏକ କମ୍ପ୍ୟୁଟର ଲ୍ୟାବ ପ୍ରତିଷ୍ଠା ନେଇ ପ୍ରିନ୍ସିପାଲଙ୍କୁ କିଛି ପ୍ରଶ୍ନ କରିଥିଲେ ବିଧାୟକ ଶ୍ରୀନିବାସ । ପ୍ରିନ୍ସିପାଲଙ୍କ ଉତ୍ତରରେ ଉତକ୍ଷିତ ହୋଇ ବିଧାୟକ ତାଙ୍କୁ ଚାପୁଡା ମାରିଥିଲେ । ଯାହାର ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି । ଭିଡିଓ ଭାଇରାଲ ହେବା ପରେ ସମଗ୍ର ରାଜ୍ୟରେ ଉତ୍ତେଜନା ପ୍ରକାଶ ପାଇଛି । ସମ୍ପୃକ୍ତ ବିଧାୟକଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ମଧ୍ୟ ଦାବି ଜୋର ଧରିଛି ।
ସୂଚନା ଅନୁସାରେ ମାଣ୍ଡ୍ୟା ବିଧାନସଭା କ୍ଷେତ୍ରରୁ ବିଧାୟକ ଥିବା ଏମ.ଶ୍ରୀନିବାସ ଗତ 20 ତାରିଖରେ ସ୍ଥାନୀୟ ଅଞ୍ଚଳରେ ଥିବା ଏକ ସରକାରୀ ITI କେନ୍ଦ୍ର ପରିଦର୍ଶନ କରିବାକୁ ଯାଇଥିଲେ । ସେଠାରେ ଜାରି ରହିଥିବା କମ୍ପ୍ୟୁଟର ଲ୍ୟାବ ସମେତ ଅନ୍ୟ କିଛି ବିକାଶମୂଳକ କାର୍ଯ୍ୟର ତଦାରଖ ମଧ୍ୟ କରିଥିଲେ । ପ୍ରିନ୍ସିପାଲଙ୍କୁ କାର୍ଯ୍ୟର ଅଗ୍ରଗତି ସମ୍ପର୍କିତ ପ୍ରଶ୍ନ କରିଥିଲେ ବିଧାୟକ ।