ପାଟନା:ବ୍ରିଟିଶ ଶାସନ ଅମଳରେ ଦାୟର ମାମଲାର ରାୟ ଶୁଣାଇଲେ ସିଭିଲ କୋର୍ଟ । ଜମିଜମା ବିବାଦକୁ ନେଇ ବିହାରରେ ଏହି ମାମଲା ଦାୟର ହୋଇଥିଲା । ଦୀର୍ଘ 108 ବର୍ଷ ପରେ ବିହାରର ଏକ ସିଭିଲ କୋର୍ଟ ଏନେଇ ଗୁରୁତ୍ବପୂର୍ଣ୍ଣ ରାୟ ଦେଇଛନ୍ତି । ଏହି ମାମଲାରେ ଜବତ ଜମିକୁ ମୁକୁଳାଇବା ପାଇଁ ବିଚାରପତି ନିର୍ଦ୍ଦେଶ ଦେଇଛନ୍ତି । ଶହେ ବର୍ଷ ପରେ ନ୍ୟାୟ ପାଇବା ପରେ କୋଇଲୱାର ନିବାସୀ ମହକିଲ ଅତୁଲ ସିଂହଙ୍କ ପରିବାର ଖୁବ୍ ଖୁସି ହୋଇଛନ୍ତି । ଆପଣ ଜାଣି ଆଶ୍ଚର୍ଯ୍ୟ ହେବେ ଯେ, ମାମଲା ଲଢୁଥିବା ପରିବାରର ଚତୁର୍ଥ ପିଢିକୁ ନ୍ୟାୟ ମିଳିଛି । ଗତ ମାର୍ଚ୍ଚରେ ଏହି ଜମିଜମା ମାମଲାରେ କୋର୍ଟଙ୍କ ରାୟ ଆସିଛି ।
1914 ମସିହା ଅର୍ଥାତ୍ 108 ପୂର୍ବେ କୋଇଲୱାରେ ଥିବା 9 ଏକର ଜମି ପାଇଁ ଏହି ଆଇନଗତ ଲଢେଇ ଆରମ୍ଭ ହୋଇଥିଲା । ସୂଚନା ଅନୁଯାୟୀ, ଉକ୍ତ ଜମିର ପ୍ରକୃତ ମାଲିକ ହେଉଛନ୍ତି ସେହି ଅଞ୍ଚଲର ନଥୁନି ଖାନ । 1947 ମସିହାରେ ଭାରତ ପାକିସ୍ତାନ ବିଭାଜନ ସମୟରେ ତାଙ୍କ ବଂଶଧର ପାକିସ୍ତାନ ଚାଲିଯାଇଥିଲେ । ଏହାପୂର୍ବରୁ ନଥୁନି ଖାନଙ୍କ 1911 ମସିହାରେ ଦେହାନ୍ତ ହୋଇଯାଇଥିଲା । ତାଙ୍କ ମୃତ୍ୟୁ ପରେ ଜମିକୁ ନେଇ ନାଥୁନିଙ୍କ ପତ୍ନୀ, ଭଉଣୀ ଓ ଝିଅ ମଧ୍ୟରେ ବିବାଦ ଚାଲିଥିଲା । ଏନେଇ 1914 କୋର୍ଟରେ ଏକ ମକଦ୍ଦମା ଦାୟର ହୋଇଥିଲା ।