ନୂଆଦିଲ୍ଲୀ: ଜେଇଇ ମେନ (JEE Main)କୁ ନେଇ ସସପେନ୍ସରେ ଥିବା ଛାତ୍ରଛାତ୍ରୀଙ୍କ ପାଇଁ ବଡ ଖବର । ଜେଇଇ ମେନ ତୃତୀୟ ଓ ଚତୁର୍ଥ ପର୍ଯ୍ୟାୟ ପରୀକ୍ଷା ପାଇଁ ଘୋଷଣା ହୋଇଛି ତାରିଖ ।
20ରୁ 25 ଜୁଲାଇ ପର୍ଯ୍ୟନ୍ତ ହେବ ଜେଇଇ ମେନ ତୃତୀୟ ପର୍ଯ୍ୟାୟ ପରୀକ୍ଷା । ସେହିପରି ଚତୁର୍ଥ ପର୍ଯ୍ୟାୟ ପରୀକ୍ଷା 27 ଜୁଲାଇରୁ 2 ଅଗଷ୍ଟ ପର୍ଯ୍ୟନ୍ତ ଅନୁଷ୍ଠିତ ହେବ । ଏନେଇ ଘୋଷଣା କରିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ରମେଶ ପୋଖରିଆଲ ନିଶଙ୍କ ।
ଯେଉଁ ଛାତ୍ରଛାତ୍ରୀମାନେ କୌଣସି କାରଣ ବସତଃ ପରୀକ୍ଷା ପାଇଁ ଆବେଦନ କରିପାରିନଥିଲେ, ସେମାନଙ୍କୁ ଆବେଦନର ଆଉ ଏକ ସୁଯୋଗ ଦିଆଯିବ । ପରୀକ୍ଷା ପାଇଁ 6ରୁ 8 ଜୁଲାଇ ପର୍ଯ୍ୟନ୍ତ ଆବେଦନ କରିପାରିବେ ଆଶାୟୀ ଛାତ୍ରଛାତ୍ରୀ ।
କୋଭିଡ ସଂକ୍ରମଣକୁ ଦୃଷ୍ଟିରେ ରଖି ପରୀକ୍ଷା କେନ୍ଦ୍ର ସଂଖ୍ୟା ଦୁଇଗୁଣ କରିଦିଆଯାଇଛି । ଶିକ୍ଷାମନ୍ତ୍ରୀ କହିଛନ୍ତି, ପ୍ରଥମଥର ପାଇଁ ଜେଇଇ ପରୀକ୍ଷା 13ଟି ଭାଷାରେ କରାଯିବ । ଆଗରୁ 3ଟି ଭାଷାରେ ହେଉଥିଲା ଏହି ପରୀକ୍ଷା ।
ଚଳିତ ବର୍ଷ 4ଟି ପର୍ଯ୍ୟାୟରେ କରାଯାଉଛି ଜେଇଇ ମେନ ପରୀକ୍ଷା । ଯେଉଁ ପର୍ଯ୍ୟାୟରେ ଛାତ୍ରଛାତ୍ରୀଙ୍କ ଅଧିକ ନମ୍ବର ଆସିବ, ତାକୁ ଫାଇନାଲ ରେଜଲ୍ଟ ଧରାଯିବ । ମହାମାରୀ କୋରୋନା କାରଣରୁ ଘୁଞ୍ଚାଯାଇଥିଲା ପରୀକ୍ଷା ତାରିଖ ।
