ଲଦାଖ:ଆଜି ୭୩ ସାଧାରଣତନ୍ତ୍ର ଦିବସ ପାଳୁଛି ଆମ ଦେଶ ଭାରତ । କେବଳ ରାଜଧାନୀ ନୁହେଁ ଦେଶର କୋଣ ଅନୁକୋଣରେ ବେଶ୍ ଉତ୍ସାହର ସହ ଦିନଟିକୁ ପାଳନ କରୁଛନ୍ତି ପ୍ରତିଟି ଭାରତୀୟ । ସବୁଠି ଉଡୁଛି ତ୍ରିରଙ୍ଗା ପତାକା । ମାଇନସ ୪୦ ଡିଗ୍ରୀ ସେଲସିଅସ ତାପମାତ୍ରାରେ ୧୫ ହଜାର ଫୁଟ ଉପରେ ଭାରତ ମାତା କି ଜୟ ଧ୍ବନିରେ ପତାକା ଉଡାଇଛନ୍ତି ଆଟିବିପି ଯବାନ (Indo-Tibetan Border Police) ।
ଯେଉଁଠି ଥଣ୍ତାରେ ଥରହର ହୋଇଯାଏ ଦେହ ସେଠି ଫରଫର ହୋଇ ଉଡିଛି ଜାତୀୟ ପତାକା । ଏହା କରି ନିଜ ରକ୍ତରେ ଦେଶପ୍ରେମ ପ୍ରବାହିତ ହୋଉଥିବା ପ୍ରମାଣିତ କରିଛନ୍ତି ଆଟିବିପି ଯବାନ । ପତାକା ଉଡାଇ ବନ୍ଦେ ମାତରମ ଓ ଭାରତ ମାତା କି ଜୟ ଧ୍ବନିରେ ଦେଶ ମାତୃକା ପ୍ରତି ଥିବା ଭଲପାଇବା ଓ କର୍ତ୍ତବ୍ୟକୁ ପ୍ରତିପାଦିତ କରିଛନ୍ତି ହିମବୀର ।
କେବଳ ପତାକା ଉଡାଇନାହାଁନ୍ତି ଶତ୍ରୁ ଦେଶକୁ ଦେଖାଇଛନ୍ତି ଆମ ଦେଶର ସୁରକ୍ଷା ସେମାନେ କିପରି ପ୍ରତିଶ୍ରୁତି ବଦ୍ଧ । ଆଇଟିବିପି ଲଦାଖ ବ୍ୟତୀତ, ଆଇଟିବିପି ଯବାନ ହିମାଚଳ ପ୍ରଦେଶରେ 16,000 ଫୁଟରେ ତୁଷାରପାତରେ ଜାତୀୟ ପତାକାକୁ ଅଭିବାଦନ ଜଣାଇବା ସହ ଜାତୀୟ ସଂଗୀତ ଗାନ କରିଛନ୍ତି । ଏହାସହ ଆଇଟିବିପି ଉତ୍ତରାଖଣ୍ଡର କୁମାଓନ୍ ଅଞ୍ଚଳରେ ମାଇନସ୍ ତାପମାତ୍ରାରେ 12,000 ଫୁଟରେ ଗଣତନ୍ତ୍ର ଦିବସ ପାଳନ କରିଛନ୍ତି ।
ଲଦାଖର ସବୁଠାରୁ କଷ୍ଟସାଧ୍ୟ ତଥା ଆତିଥ୍ୟପୂର୍ଣ୍ଣ ଦେଶରେ ଦେଶ ସେବା କରିବା, ITBP ଯବାନ ସାହସିକତା, ପ୍ରତିବଦ୍ଧତା ଏବଂ ଦେଶପ୍ରେମର ଉଦାହରଣ ଦେଖାଇଛନ୍ତି । ITBPର ଅଧିକାଂଶ ଅଧିକାରୀ ତାଲିମପ୍ରାପ୍ତ ପର୍ବତାରୋହୀ ଏବଂ ସ୍କାଏର ଅଟନ୍ତି - ଲଦାଖର କରାକୋରାମ ପାସ୍ ଠାରୁ ଅରୁଣାଚଳ ପ୍ରଦେଶର ଜାକେ ଲା ପର୍ଯ୍ୟନ୍ତ 3,488 କିଲୋମିଟର ସୀମା ରକ୍ଷା କରନ୍ତି ।
ବ୍ୟୁରୋ ରିପୋର୍ଟ,ଇଟିଭି ଭାରତ
