କାବୁଲ:ଆଇଏସ ଆତଙ୍କବାଦୀ ଗ୍ରୁପ କାବୁଲ ମସଜିଦ ଉପରେ ହୋଇଥିବା ଆକ୍ରମଣ ପାଇଁ ନିଜକୁ ଦାୟୀ କରିଛି । ତେବେ ଏହି ବିସ୍ଫୋରଣରେ 12 ଜଣ ଲୋକଙ୍କ ମୃତ୍ୟୁ ଘଟିଥିଲା । ତେବେ ଆଇଏସ ମସଜିଦ ଉପରେ ଆକ୍ରମଣ କରିଥିବା ନେଇ ନାଶିର ନ୍ୟୁଜ ଏଜେନ୍ସି ଶନିବାର ବିଳମ୍ବିତ ରାତିରେ ସୂଚନା ଦେଇଛି ।
ଆତଙ୍କବାଦୀଙ୍କ ଯୋଜନା ସମ୍ପର୍କରେ ଏହି ନାଶିର ନ୍ୟୁଜ ଏଜେନ୍ସି ଖବର ପ୍ରସାରଣ କରିଥାଏ । କେଲିଫେଟ ବା ଆଲଜେରିଆରେ ରହୁଥିବା କେଲିଫେଟର ସୈନିକମାନେ ମସଜିଦରେ ବୋମା ଖଞ୍ଜିଥିଲେ ବୋଲି ଏଜେନ୍ସି ପକ୍ଷରୁ କୁହାଯାଇଛି । ଏହି ତଥ୍ୟା କେତେ ଦୂର ସତ୍ୟ ସେ ସମ୍ପର୍କରେ ଏବେ ସ୍ପଷ୍ଟ ହୋଇନାହିଁ । ଗତ ଶୁକ୍ରବାର ମୁସଲମାନ ସମ୍ପ୍ରଦାୟକ ପର୍ବ ଇଦ-ଉଲ-ଫିତରରେ ଆଫଗାନିସ୍ତାନ ରାଜଧାନୀ କାବୁଲର ଶକର ଦରା ଜିଲ୍ଲାରେ ଥିବା ମସଜିଦ ଉପରେ ଏହି ବିସ୍ଫୋରଣ ଘଟିଥିଲା ।