ହାଇଦ୍ରାବାଦ:ଦୁର୍ଘଟଣା ପରେ ବର୍ବରତାର ସବୁ ସୀମା ଟପିଗଲା ବାଇକ ଆରୋହୀ ଯୁବକ । କାର ଡ୍ରାଇଭରଙ୍କୁ ବାଇକରେ ବେଶ କିଛି କି.ମି ଘୋଷାଡି ନେଲା । ବେଙ୍ଗାଲୁରୁ ସହରରେ ଏମିତି ଏକ ଅଭାବନୀୟ ଘଟଣା ଦେଖିବାକୁ ମିିଳିଛି । ଜଣେ ବ୍ୟକ୍ତିଙ୍କୁ ଜଣେ ବାଇକ ଆରୋହୀ ଘୋଷାଡି ନେଉଥିବାର ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି । ଘଟଣାଟି ବେଙ୍ଗାଲୁଲୁର ବିଜୟନଗର ଟ୍ରାଫିକ ପୋଲିସ ଥାନା ଅଞ୍ଚଳରେ ଘଟିଛି । ବାଇକରେ ବ୍ୟକ୍ତିଙ୍କୁ ଘୋଷାଡି ନେଉଥିବା ଯୁବକଙ୍କୁ କାବୁ ଅନ୍ୟ କିଛି ଯାତ୍ରୀ କାବୁ କରି ପୋଲିସ ଜିମା ଦେଇଛନ୍ତି ।
ମିଳିଥିବା ସୂଚନା ଅନୁସାରେ ଏପରି ଅଭାବନୀୟ ଘଟଣାର ଶିକାର ହୋଇଥିବା ପୀଡିତ ବ୍ୟକ୍ତିଜଣଙ୍କ ଜଣେ କାର ଡ୍ରାଇଭର । ସମ୍ପୃକ୍ତ ଯୁବକଙ୍କ ବାଇକ ସହ ତାଙ୍କ କାରର ଧକ୍କା ହେବା ପରେ ଏପରି ସ୍ଥିତି ସୃଷ୍ଟି ହୋଇଥିଲା । ମାଗାଡି ରୋଡ ନିକଟରେ ଏହି ଦୁର୍ଘଟଣା ଘଟିବା ପରେ ବାଇକ ଆରୋହୀଙ୍କୁ ସେ ରୋକିବା ପାଇଁ ପ୍ରୟାସ କରିଥିଲେ । ଏହି ସମୟରେ ବାଇକ ଆରୋହୀଜଣଙ୍କ ତାଙ୍କୁ ଧକ୍କା ଦେଇ ସେଠାରୁ ଖସି ପଳାଇବା ପାଇଁ ପ୍ରୟାସ କରିଥିଲେ । କାର ଡ୍ରାଇଭରଜଣଙ୍କ ବାଇକକୁ ଅଟକାଇବା ପାଇଁ ତାର ପଛ ଭାଗକୁ ଧରି ରଖିଥିବା ବେଳେ ସେ ବାଇକ ସହ ଘୋଷାଡି ହୋଇଯାଇଥିଲେ । ଓହଳି ଥିବା ଅବସ୍ଥାରେ ବାଇକ ଆରୋହୀ ଯୁବକଜଣଙ୍କ ଅତି ଦୃତଗତିରେ ତାଙ୍କୁ ବେଶ କିଛି ବାଟ ଘୋଷାଡି ନେଇଥିଲା । ଦୁର୍ଘଟଣା ଘଟିଥିବା ସ୍ଥାନ ମାଗାଡି ରୋଡରୁ ହୋସାଲି ମେଟ୍ରୋ ଷ୍ଟେସନ ପର୍ଯ୍ୟନ୍ତ ଯୁବକଜଣଙ୍କ ସମ୍ପୃକ୍ତ ବ୍ୟକ୍ତିଙ୍କୁ ବାଇକରେ ଘୋଷାଡି ଆଣିଥିଲା । ଯୁବକଜଣଙ୍କ ଗାଡି ଏଣେତେଣେ ମଧ୍ୟ ଚଳାଉଥିବା ଭାଇରାଲ ଭିଡିଓରେ ଦେଖିବାକୁ ମିଳିଛି ।