ଶିମଲା:ଭାରତ-ଆମେରିକା ସ୍ପେସାଲ ଫୋର୍ସ ମିଳିତ ସମରାଭ୍ୟାସ (India-USA Joint Special Forces Exercise) ବଜ୍ର ପ୍ରହାର 'Vajra PRahar'ର 13ତମ ସଂସ୍କରଣ ହିମାଚଳ ପ୍ରଦେଶର ବାକଲୋ (Bakloh) ଶେଷ ହୋଇଛି । ଏହି ବାର୍ଷିକ ମିଳିତ ସମରାଭ୍ୟାସ ଶୃଙ୍ଖଳା ଚଳିତ ଥର 13ତମ ସଂସ୍କରଣରେ ପହଞ୍ଚିଛି । ଗତ ସଂସ୍କରଣ 2021 ଅକ୍ଟୋବରରେ ଆମେରିକାର ଓ୍ବାଶିଂଟନରେ ଅନୁଷ୍ଠିତ ହୋଇଥିଲା । ଭାରତ ଓ ଆମେରିକା ସେନା ପରସ୍ପର ମଧ୍ୟରେ ଯୁଦ୍ଧ କୌଶଳ ବିନିୟମ ଓ ସଠିକ ସମନ୍ବୟ ରକ୍ଷା କରି ଅପରେସନକୁ ସଫଳ କରିବା ଏହି ଅଭ୍ୟାସର ପ୍ରାଥମିକ ଓ ମୁଖ୍ୟ ଉଦ୍ଦେଶ୍ୟ ରହିଥିଲା ।
Vajra Prahar, ଶେଷ ହେଲା ଭାରତ ଓ ଆମେରିକା ମିଳିତ ସମରାଭ୍ୟାସ - ବଜ୍ରପ୍ରହାର
ହିମାଚଳ ପ୍ରଦେଶରେ ଶେଷ ହେଲା ଭାରତ-ଆମେରିକା ମିଳିତ ସମରାଭ୍ୟାସ ବଜ୍ର ପ୍ରହାର । ଭାରତ ଓ ଆମେରିକାର ସୈନ୍ୟ କଲେ ମିଳିତ ଯୁଦ୍ଧାଭ୍ୟାସ । ଅଧିକ ପଢନ୍ତୁ
ହିମାଚଳ ପ୍ରଦେଶରେ ଶେଷ ହେଲା ଭାରତ-ଆମେରିକା ମିଳିତ ସମରାଭ୍ୟାସ ବଜ୍ରପ୍ରହାର
ଚଳିତ ବର୍ଷ ଏହି ମିଳିତ ସମରାଭ୍ୟାସ 21 ଦିନ ଧରି ଚାଲିଥିଲା । ଅଭ୍ୟାସରେ ଉଭୟ ଦେଶର ସ୍ପେସାଲ ଫୋର୍ସକୁ ବର୍ତ୍ତମାନ ବିଶ୍ବରେ ଦେଖାଯାଉଥିବା ଏକାଧିକ ଆହ୍ବାନପୂର୍ଣ୍ଣ ସ୍ଥିତିକୁ ନିୟନ୍ତ୍ରଣ କରିବାର ଯୁଦ୍ଧକୌଶଳ ପ୍ରଦର୍ଶନ କରିବାର ଅବସର ମିଳିଛି । ଏୟାର ବୋର୍ଣ୍ଣ ଅପରେସନ (Air Borne Operations), ଆତଙ୍କବାଦୀ ନିରୋଧୀ ଅପରେସନରେ ପ୍ରଭାବୀ ଅଂଶଗ୍ରହଣ ଓ ଫଳପ୍ରଦ ମୁକାବିଲା ନେଇ ରଣନୀତି ପ୍ରଦର୍ଶନ କରିଛନ୍ତି ଦୁଇ ଅଂଶଗ୍ରହଣକାରୀ ଦେଶ ।
ଏହି ଅଭ୍ୟାସ ଦୁଇ ପର୍ଯ୍ୟାୟରେ ଅନୁଷ୍ଠିତ ହୋଇଥିଲା । ଏହି ଅଭ୍ୟାସରେ ଟ୍ରେନିଂ, ପ୍ଲାନିଂ, କାର୍ଯ୍ୟକାରୀତା ତଥା ମିଳିତ ଯୁଦ୍ଧକୌଶଳ ପ୍ରଦର୍ଶନ କରିବା ଉପରେ ଉଭୟ ସେନା ଗୁରୁତ୍ବ ଦେଇଥିଲେ । ଦୁଇ ଦେଶ ମଧ୍ୟରେ ଅନୁଷ୍ଠିତ ହୋଇ ଆସୁଥିବା ଏହି ଅଭ୍ୟାସ ଶୃଙ୍ଖଳା ଚଳିତ ବର୍ଷ 13ତମ ବର୍ଷରେ ପହଞ୍ଚିଛି ।