ନୂଆଦିଲ୍ଲୀ:ଦେଶର ଅଗ୍ରଣୀ କୋଭିଡ ଟିକା ଉତ୍ପାଦନକାରୀ ଫାର୍ମା କମ୍ପାନୀ ଭାରତ ବାୟୋଟେକକୁ ଆଉ ଏକ ବଡ ସଫଳତା । ସଂସ୍ଥା ବିକଶିତ କରିଥିବା ଇଣ୍ଟ୍ରାନାଜାଲ ଭ୍ୟାକସିନକୁ (intranasal vaccine by Bharat Biotech )ଜରୁରୀକାଳୀନ ବ୍ୟବହାର ଅନୁମତି ପ୍ରଦାନ କରିଛି DCGI । ଏଥିସହିତ ଭାରତରେ ପ୍ରଥମ ନାଜାଲ ଟିକା ଭାବେ ଏହା ଉପଲବ୍ଧ ହେବାକୁ ଯାଉଛି (intranasal vaccine by Bharat Biotech intranasal vaccine by in India)। ଏହି ଅନୁମୋଦନ ନେଇ କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ମନସୁଖ ମାଣ୍ଡଭ୍ୟ ସୂଚନା ଦେଇଛନ୍ତି । ଭାରତର କୋଭିଡ ବିରୋଧୀ ଲଢେଇକୁ ଏହା ବଳ ଯୋଗାଇଇବା ନେଇ ସୂଚନା ଦେଇଛନ୍ତି କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ।
ଏକ ଟ୍ବିଟରେ ମାଣ୍ଡଭ୍ୟ କହିଛନ୍ତି, ‘‘ଭାରତର କୋଭିଡ ବିରୋଧୀ ଲଢେଇରେ ଏହା ଏକ ବଡ ସଫଳତା । ଭାରତ ବାୟୋଟେକ ଦ୍ବାରା ପ୍ରସ୍ତୁତ ନାଜାଲ ଭ୍ୟାକସିନ (ChAd36-SARS-CoV-S COVID-19 ) କୁ ଡ୍ରଗ୍ସ ନିୟାମକ ସଂସ୍ଥା DCGI ବ୍ୟବହାରିକ ଅନୁମୋଦନ ଦେଇଛି । 18 ବର୍ଷରୁ ଉର୍ଦ୍ଧ୍ବ ବୟସ୍କଙ୍କ କ୍ଷେତ୍ରରେ ଏହା ଜରୁରୀକାଳୀନ ଭାବେ ବ୍ୟବହାର ହୋଇପାରିବ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ବରେ ଭାରତ ତାର ଗବେଷଣା, ସମ୍ବଳ ଓ ସାମଗ୍ରିକ ସମନ୍ବୟରେ କୋଭିଡ ବିରୋଧୀ ଲଢେଇରେ ଭଲ ପ୍ରଦର୍ଶନ କରି ଆସିଛି । ’’