ନୂଆଦିଲ୍ଲୀ:76 ତମ ସ୍ବାଧୀନତା ଦିବସ ପାଳନ କରିଛି ଭାରତ । ଦିଲ୍ଲୀରୁ ପଲ୍ଲୀ ପ୍ରତି ଘରେ ଶୋଭା ପାଇଛି ଜାତୀୟ ପତାକା । କାଶ୍ମୀରରୁ କନ୍ୟାକୁମାରୀ ବରଫ ପାହାଡଠୁ ନେଇ ଗଭୀର ଜଳ ସବୁ ତ୍ରିରଙ୍ଗାମୟ ହୋଇଛି । ଏହାରି ମଧ୍ୟରେ ଏକ ଚମତ୍କାର ଦୃଶ୍ୟ ଦେଖିବାକୁ ମିଳିଛି । ଜଳ, ସ୍ଥଳ କି ଆକାଶ ନୁହେଁ ମହାକାଶରେ ତ୍ରିରଙ୍ଗା ଉଡିଛି । ଏକ ସାଟେଲାଇଟ୍ ତ୍ରିରଙ୍ଗା ଉଡାଉଥିବା ଭିଡିଓରେ ଦେଖିବାକୁ ମିଳିଛି ।
ଏହି ଦୃଶ୍ୟ ଦେଶପ୍ରେମରେ ଉଦବୁଧ କରାଇଛି । ସ୍ବାଧିନତାର ଗାରିମା ବଖାଣିବା ପାଇଁ ପୃଥିବୀ ଠାରୁ ୩୦ କିଲୋମିଟର ଉଚ୍ଚତାରେ ଉଡିଛି ତ୍ରିରଙ୍ଗା ପତାକା । ସ୍ପେସ କିଡ୍ଜ ଇଣ୍ଡିଆ ପକ୍ଷରୁ ଜାରି ହୋଇଥିବା ଭିଡିଓରେ ପୃଥିବୀ ଠାରୁ ୩୦ କିମି ଉଚ୍ଚତାରେ ଜାତୀୟ ପତାକା ଉଡାଇ ସ୍ବାଧୀନତାର ୭୫ ବର୍ଷ ପୂର୍ତ୍ତି ଉତ୍ସବ ପାଳନ ହୋଇଛି ।