ନୂଆଦିଲ୍ଲୀ:ପୂର୍ବ ଲଦାଖ କ୍ଷେତ୍ରରେ ଭାରତ-ଚୀନ ସେନାର ଉତ୍ତେଜନା ମଧ୍ୟରେ ଭାରତ ନିଜ ସାମରିକ ଭିତ୍ତିଭୂମି ସୁଦୃଢ କରିଛି । ପ୍ରକୃତ ନିୟନ୍ତ୍ରଣ ରେଖା ସଲଗ୍ନ ଅଞ୍ଚଳରେ ନିଜ ସାମରିକ ଭିତ୍ତିଭୂମି ସୁଦୃଢ କରିବା ପାଇଁ ଏକାଧିକ ନିର୍ମାଣ କରିବାରେ ଲାଗିଛି ଡ୍ରାଗନ ସେନା । ଏହାରି ମଧ୍ୟରେ ଭାରତ ମଧ୍ୟ ପୂର୍ବ-ଲଦାଖ କ୍ଷେତ୍ରରେ ପ୍ରାୟ 450 ଟ୍ୟାଙ୍କ ଓ ପ୍ରାୟ 22 ହଜାର ସୈନ୍ୟଙ୍କୁ ସୁରକ୍ଷା ଦେବା ପାଇଁ ଅତ୍ୟାବଶକୀୟ ତଥା ବହୁମୁଖୀ ସାମରିକସ୍ଥଳୀ ନିର୍ମାଣ କରିଛି (Indian Army built infra for tanks)। ଚୀନ୍ ସେନାର ପ୍ରସ୍ତୁତିକୁ ଦେଖି କୌଣସି ଅପ୍ରିତିକର ସ୍ଥିତିର ପ୍ରଭାବୀ ମୁକାବିଲା ପାଇଁ ଭାରତୀୟ ସ୍ଥଳସେନା ସମସ୍ତ ପ୍ରସ୍ତୁତି କରିବା ସହ ସ୍ଥିତି ଉପରେ ନଜର ରଖିଥିବା ସେନା ସୂତ୍ରରୁ ସୂଚନା ମିଳିଛି ।
ସାମରିକ ସୂତ୍ରରୁ ମିଳିଥିବା ସୂଚନା ଅନୁସାରେ, ପ୍ରକୃତ ନିୟନ୍ତ୍ରଣ ରେଖା ନିକଟବର୍ତ୍ତୀ ପୋଙ୍ଗୟାଙ୍ଗ ହ୍ରଦ ଓ ଏହାର ଆଖପାଖ କ୍ଷେତ୍ରରେ ଚୀନ ଏକାଧିକ ନିର୍ମାଣ ଜାରି ରଖିଛି । ଏହାକୁ ତୀକ୍ଷ୍ଣ ନଜର ରଖିଛି ଭାରତୀୟ ସେନା । ଭାରତ ପକ୍ଷରୁ ମଧ୍ୟ ପୂର୍ବ-ଲଦାଖ କ୍ଷେତ୍ରରେ ବାୟୁସେନାର ଲଢୁଆ ବିମାନ ମୁତୟନ କରାଯାଇଛି । ବାୟୁସେନାର ବିମାନ ଅବତରଣ ଓ ଉଡାଣ ପାଇଁ ଅତ୍ୟାଧୁନିକ ଭିତ୍ତିଭୂମି ମଧ୍ୟ ପ୍ରସ୍ତୁତ କରାଯାଇଛି । ସେହିପରି ରୁଟିନ ପାଟ୍ରୋଲିଂ ଓ ସର୍ଭିଲାନ୍ସ ପାଇଁ ଆସଲ୍ଟ ବିମାନ ଏକାଥରେ 35 ଯବାନକୁ ନେଇ ଉଡାଣ ଭରିପାରିବ ।