ନୂଆଦିଲ୍ଲୀ: ଦେଶରେ ହ୍ରାସ ପାଉଛି କୋରୋନା ସଂକ୍ରମଣ । ଆଜି ମଧ୍ୟ ପଜିଟିଭ ମାମଲା ଲକ୍ଷେ ତଳକୁ ରହିଛି । ଗତ ୨୪ ଘଣ୍ଟା ମଧ୍ୟରେ ଭାରତରେ 67,084 ନୂଆ ସଂକ୍ରମିତ ଚିହ୍ନଟ ହୋଇଛନ୍ତି(India reports 67,084 fresh covid cases) । ହେଲେ ମୃତ୍ୟୁସଂଖ୍ୟା ପୂର୍ବପରି ୧୦୦୦ ପାର୍ କରିଛି । ଦିନକରେ ଦେଶରେ 1,67,882 ଆକ୍ରାନ୍ତ ସୁସ୍ଥ ହୋଇଥିବାବେଳେ 1,241 ଜଣ ପ୍ରାଣ ହରାଇଛନ୍ତି ।
ନୂଆ ଆକ୍ରାନ୍ତଙ୍କୁ ମିଶାଇ ବର୍ତ୍ତମାନ ଭାରତରେ ସକ୍ରିୟ ମାମଲା 7,90,789ରେ ପହଞ୍ଚିଛି । ମୋଟ କୋରୋନା ଜନିତ ମୃତ୍ୟୁସଂଖ୍ୟା 5,06,520କୁ ବୃଦ୍ଧି ପାଇଛି । ଦେଶର ଦୈନିକ ପଜିଟିଭ୍ ରେଟ୍ 4.44% ରହିଛି । ଏଯାବତ୍ ଭାରତରେ ମୋଟ 1,71,28,19,947 ଟୀକାକରଣ କରାଯାଇଛି ।