ଦେଶରେ ଦିନକରେ 46 ହଜାର 951 ଆକ୍ରାନ୍ତ ଚିହ୍ନଟ

ଦେଶରେ ଉପର ମୁହାଁ କୋରୋନା ଗ୍ରାଫ । ଦିନକରେ 46 ହଜାର 951 ଆକ୍ରାନ୍ତ ଚିହ୍ନଟ । 212 ଜଣଙ୍କର ଘଟିଛି ମୃତ୍ୟୁ । କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା । ଅଧିକ ପଢନ୍ତୁ...

ନୂଆଦିଲ୍ଲୀ : କୋରୋନା ମହାମାରୀର ନୂଆ ଷ୍ଟ୍ରେନ ଚିହ୍ନଟ ହେବା ପରେ ଦେଶରେ କୋରୋନା ଆକ୍ରାନ୍ତ ସଂଖ୍ୟା ବଢିବାରେ ଲାଗିଛି । ତେବେ ଗତ 24 ଘଣ୍ଟାରେ ଦେଶରେ 46 ହଜାର 951 ଆକ୍ରାନ୍ତ ଚିହ୍ନଟ ହୋଇଥିବା ବେଳେ 212 ଜଣଙ୍କର ମୃତ୍ୟୁ ଘଟିଛି । ଏନେଇ କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ମିଳିଛି ।

ସେପଟେ ଦେଶରେ 21 ହଜାର 180 ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ତେବେ ନୂଆ ଆକ୍ରାନ୍ତଙ୍କୁ ମିଶାଇ ଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା 1କୋଟି 16 ଲକ୍ଷ 46 ହଜାର 81କୁ ବୃଦ୍ଧି ହୋଇଛି । ସେହିପରି ସୁସ୍ଥ ବ୍ୟକ୍ତିଙ୍କ ସଂଖ୍ୟା 1 କୋଟି 11 ଲକ୍ଷ 51 ହଜାର 468ରେ ପହଞ୍ଚିଛି । ଏହାସହ ମୋଟ 1 ଲକ୍ଷ 59 ହଜାର 967 ଜଣଙ୍କର କୋରୋନାରେ ମୃତ୍ୟୁ ଘଟିଛି । ମହାରାଷ୍ଟ୍ରରେ ପ୍ରତ୍ୟକ ଦିନ ଆକ୍ରାନ୍ତଙ୍କ ସଂଖ୍ୟା ବଢୁଥିବା ବେଳେ ଦେଶରେ ଏପର୍ଯ୍ୟନ୍ତ 4 କୋଟି 50 ଲକ୍ଷ 65 ହଜାର 998ଜଣଙ୍କୁ ଟୀକାକରଣ କରାଯାଇଛି ।

@ANI