ନୂଆଦିଲ୍ଲୀ: ଦେଶରେ ତଳ ଉପର ହେଉଛି ସଂକ୍ରମଣ । ଗତକାଲି ଅପେକ୍ଷା ଆଜି(ଶୁକ୍ରବାର) ଅଧିକ କୋଭିଡ ମାମଲା ଚିହ୍ନଟ । ଦେଶର ଆଜିର ଦୈନିକ କୋଭିଡ ରିପୋର୍ଟ ଅନୁସାରେ ଗତ ୨୪ ଘଣ୍ଟା ମଧ୍ୟରେ 26,727 ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ଗୁରୁବାର ଏହି ସଂଖ୍ୟା 23,529 ଥିଲା । ସେହିପରି ଗୋଟିଏ ଦିନରେ 28,246 ଜଣ କୋରୋନା ମୁକ୍ତ ହୋଇଥିବେଳେ ୨୭୭ ସଂକ୍ରମିତଙ୍କ ମୃତ୍ୟୁ ଘଟିଛି ।
ଆଜିର ନୂଆ ସଂକ୍ରମିତଙ୍କୁ ମିଶାଇ ଦେଶର ମୋଟ କୋରୋନା ସଂକ୍ରମିତଙ୍କ ସଂଖ୍ୟା 3,37,66,707କୁ ବୃଦ୍ଧି ପାଇଛି । ବର୍ତ୍ତମାନ ସୁଦ୍ଧା ଭାରତରେ 2,75,224ଟି କୋରୋନା ସକ୍ରିୟ ମାମଲା ରହିଛି ଏବଂ ମୋଟ 4,48,339 ଜଣ କୋରୋନାରେ ଆଖି ବୁଜିଛନ୍ତି । ସେହିପରି ଆଜି ସୁଦ୍ଧା 3,30,43,144 ଜଣ ସୁସ୍ଥ ହୋଇଛନ୍ତି ।