ହାଇଦ୍ରାବାଦ:ଆରମ୍ଭ ହେଲା ଭାରତ ଓ ଅଷ୍ଟ୍ରେଲିଆ ମଧ୍ୟରେ ମିଳିତ ସମରାଭ୍ୟାସ ଅଷ୍ଟ୍ରା-ହିନ୍ଦ୍ (AUSTRA HIND) (Australia joint military exercise) । ଆଜି ରାଜସ୍ଥାନରେ ମହାଜନ ଫିଲ୍ଡ ଫାଏରିଂ ରେଞ୍ଜରେ ଏହି ମିଳିତ ଅଭ୍ୟାସ ଆରମ୍ଭ ହୋଇଛି । ଏଥିପାଇଁ ଅଷ୍ଟ୍ରିଲିଆ ସେନାର ଯବାନମାନେ ଗତକାଲି (ରବିବାର) ରାଜସ୍ଥାନରେ ପହଞ୍ଚି ସାରିଥିଲେ । ଆଜିଠାରୁ ଆରମ୍ଭ ହୋଇଥିବା ଏହି ମିଳିତ ଯୁଦ୍ଧ ଅଭ୍ୟାସ ଡିସେମ୍ବର 11 ତାରିଖରେ ଶେଷ ହେବ ।
ଅଭ୍ୟାସ ସମ୍ପର୍କରେ ଭାରତୀୟ ସ୍ଥଳସେନା ADGPI କହିଛନ୍ତି, ଆଜି ଠାରୁ ଏହି ସମରାଭ୍ୟାସ ଆରମ୍ଭ ହୋଇଛି । ଅର୍ଦ୍ଧ-ମରୁଭୂମି ଅଞ୍ଚଳରେ ବହୁମୁଖୀ ଅପରେସନର ସଫଳ କାର୍ଯ୍ୟକାରିତା ଓ ଉଭୟ ସେନା ମଧ୍ୟରେ ପାରଦର୍ଶିତା ବାଣ୍ଟିବା ଏହି ମିଳିତ ଅଭ୍ୟାସର ମୁଖ୍ୟ ଉଦ୍ଦେଶ୍ୟ । ଏଥିରେ ଉଭୟ ସେନା ମିଳିତ ଯୁଦ୍ଧକୌଶଳ ପ୍ରଦର୍ଶନ ସହ ସମନ୍ବୟ ଆଦାନ ପ୍ରଦାନ କରିବେ । ଚଳିତବର୍ଷ ଆରମ୍ଭ ହୋଇଥିବା ଏହି ଅଭ୍ୟାସ ଦୁଇ ଦେଶ ମଧ୍ୟରେ ସମରାଭ୍ୟାସ ଶୃଙ୍ଖଳାର ଏହା ପ୍ରଥମ ସଂସ୍କରଣ ।