ନୂଆଦିଲ୍ଲୀ:ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଦେଶ ସ୍ବାଧିନତାର ୭୫ ବର୍ଷ ପୂର୍ତ୍ତୀ ଅବସରରେ ଆଜି(ଶୁକ୍ରବାର) ପ୍ରତିରକ୍ଷା ମନ୍ତ୍ରଣାଳୟର ଏକାଧିକ କାର୍ଯ୍ୟକ୍ରମର କରିବେ ଶୁଭାରମ୍ଭ । ଗୁରୁବାର ପ୍ରତିରକ୍ଷା ମନ୍ତ୍ରଣାଳୟ ଦେଇଥିବା ସୂଚନା ଅନୁସାରେ ସୀମା ସଡକ ସଂଗଠନ(BRO)ର ମଧ୍ୟ କାର୍ଯ୍ୟକ୍ରମ ଶୁଭାରମ୍ଭ ହେବ ।
ନିଷ୍ପତ୍ତି ଅନୁସାରେ BRO ର ୭୫ ଗୋଟି ଟିମ ଆଜି ଦେଶର ୭୫ ଟି ଟିମ ଅତି ଦୁର୍ଗମ ଅଞ୍ଚଳକୁ ଗସ୍ତ କରିବେ । ଯେଉଁଠାରେ ସେମାନେ ୧୫ ଅଗଷ୍ଟରେ ତ୍ରିରଙ୍ଗା ଉଡାଇବେ । ସେହିପରି ଭାରତୀୟ ତଟରକ୍ଷୀ ବାହିନୀ ଆଜାଦୀ କା ଅମୃତ ମହୋତ୍ସବ ପାଳନ ପାଇଁ ଦେଶର ୧୦୦ଟି ଦ୍ବୀପରେ ଉଡାଇବ ତ୍ରିରଙ୍ଗା । ଏହାବାଦ ସେନାର ୭୫ ଟି ଟିମ ମଧ୍ୟ ଆଜି ଦେଶର ପାର୍ବତ୍ୟାଞ୍ଚଳ ଗସ୍ତ କରି ପାହାଡ ଚଢି ୧୫ ଅଗଷ୍ଟରେ ପାହାଡ ଶିଖରରେ ତ୍ରିରଙ୍ଗା ଉଡାଇବେ । ଭାରତ ସ୍ବାଧିନତାର ୭୫ ବର୍ଷ ଅମୃତ ମହୋତ୍ସବ ପାଳନ କରୁଛି । ପ୍ରତିରକ୍ଷା ମନ୍ତ୍ରୀ ଆଜି ସବୁଜ ପତାକା ଦେଖାଇ ସମସ୍ତ କାର୍ଯ୍ୟକ୍ରମର ଶୁଭାରମ୍ଭ କରିବେ । ତଥା ଆଜି ଠାରୁ ତଟରକ୍ଷୀ ବାହିନୀ, ସେନା ଓ ବିଆରଓ ଅଧିକାରୀ ମାନେ ନିଜ ନିଜ ଗନ୍ତବ୍ୟ ସ୍ଥଳକୁ ଯିବେ ।