ମୁମ୍ବାଇ:ତୁର୍କୀ ଏୟାରଲାଇନ୍ସର ପୂର୍ବତନ ଚେୟାରମ୍ୟାନ୍ ଇଲକର ଆୟିସ (Ilker Ayci)ଙ୍କୁ ଏୟାର ଇଣ୍ଡିଆର ମୁଖ୍ୟ ଭାବେ ନିଯୁକ୍ତ କରାଯାଇଛି । ଆଜି (ସୋମବାର) ଅପରାହ୍ନରେ ଟାଟାସନ୍ସର ବୋର୍ଡ ଅଫ ଡିରେକ୍ଚର ମିଟିଂ ପରେ କମ୍ପାନୀ ପକ୍ଷରୁ ଏହି ନିଷ୍ପତ୍ତି ହୋଇଛି । Ilker Ayci ବର୍ତ୍ତମାନ ଏୟାର ଇଣ୍ଡିଆର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (CEO) ତଥା ପରିଚାଳନା ନିର୍ଦ୍ଦେଶକ (MD) ଭାବେ ଦାୟିତ୍ବ ତୁଲାଇବେ ।
ଏୟାର ଇଣ୍ଡିଆର ମାଲିକାନା ସରକାରୀ କ୍ଷେତ୍ରରୁ ଟାଟାକୁ ଆସିବା ପରେ ଏହାର ପୂର୍ବ ଢାଞ୍ଚାରେ ପରିବର୍ତ୍ତନ ଆରମ୍ଭ କରିଛି ଟାଟା ସନ୍ସ । ଏହି ପରିପ୍ରେକ୍ଷୀରେ ତୁର୍କୀର ପୂର୍ବତନ ଏୟାରଲାଇନ୍ସର ଚେୟାରମ୍ୟାନ୍ ଇଲକର ଆୟିସିଙ୍କୁ ଏୟାର ଇଣ୍ଡିଆର ପରିଚାଳନା ନିର୍ଦ୍ଦେଶକ ତଥା ସିଇଓ କରାଯାଇଛି । ଇଲକର ଆଇସି 2015 ରେ ତୁର୍କୀ ଏୟାରଲାଇନ୍ସର ଚେୟାରମ୍ୟାନ୍ ଭାବରେ ନିଯୁକ୍ତ ହୋଇଥିବା ବେଳେ 2022 ମସିହା 26 ଜାନୁୟାରୀରେ ନିଜ ପଦରୁ ଇସ୍ତଫା ଦେଇଥିଲେ।