ନୂଆଦିଲ୍ଲୀ: ବୀରଚକ୍ର ସମ୍ମାନରେ ସମ୍ମାନିତ ହେଲେ ବାଲାକୋଟ ଏୟାର ଷ୍ଟ୍ରାଇକର ହିରୋ ଅଭିନନ୍ଦନ ବର୍ଥମାନ । ରାଷ୍ଟ୍ରପତି ରାମନାଥ କୋବିନ୍ଦ ଆଜି ବାୟୁସେନାର ୱିଙ୍ଗ କମାଣ୍ଡର ଅଭିନନ୍ଦନଙ୍କୁ ବୀରଚକ୍ର ସମ୍ମାନରେ ସମ୍ମାନିତ କରିଛନ୍ତି ।
ଫେବୃଆରୀ 27, 2019 ରେ ଅଭିନନ୍ଦନ ପାକିସ୍ତାନ ଯୁଦ୍ଧ ବିମାନ F-16କୁ ଆକାଶପଥରେ ଟାର୍ଗେଟ କରି ଧ୍ବଂସ କରିଦେଇଥିଲେ । ଏହା ପରେ ସେ ତିନି ଦିନ ଧରି ପାକିସ୍ତାନ କବଜାରେ ରହିଥିଲେ। ଏହାପୂର୍ବରୁ ଭାରତୀୟ ବାୟୁସେନା ତାଙ୍କୁ ଗ୍ରୁପ୍ କ୍ୟାପଟେନ ପଦରେ ଉନ୍ନୀତ କରିଛି। ଏହି ପୋଷ୍ଟଟି ଭାରତୀୟ ସେନାରେ କର୍ଣ୍ଣେଲ ପଦବୀ ସହିତ ସମାନ। ପାକିସ୍ତାନ ଯୁଦ୍ଧ ବିମାନ F-16 କୁ ଧ୍ବଂସ କରିଥିବାରୁ ଅଭିନନ୍ଦନଙ୍କୁ ପୂର୍ବରୁ ସୌର୍ଯ୍ୟ ଚକ୍ର ପୁରସ୍କାର ପ୍ରଦାନ କରାଯିବା ବୋଲି ଘୋଷଣା କରାଯାଇଥିଲା। ତେବେ ଶତ୍ରୁ ସୀମାରେ ପଶି ଶତ୍ରୁ ଦେଶର ଯୁଦ୍ଧ ବିମାନକୁ ଆକାଶ ପଥରେ ନଷ୍ଟ କରି ପୂରା ଦେଶବାସୀଙ୍କ ମନ ଜିଣିଥିଲେ ଅଭିନନ୍ଦନ ।