ଚଣ୍ଡିଗଡ଼:ନୂଆଦିଲ୍ଲୀ-ଝାନ୍ସୀ ତାଜ ଏକ୍ସପ୍ରେସର ଏସି କୋଚ୍ରେ ଶନିବାର ସକାଳେ ଏକ ଛୋଟ ଧରଣର ଅଗ୍ନିକାଣ୍ଡ ଘଟିଛି । ତେବେ ନିଆଁ ବ୍ୟାପିବା ପୂର୍ବରୁ ଏହାକୁ ଆୟତ୍ତ କରିବାରେ ସକ୍ଷମ ହୋଇଥିଲେ ଅଗ୍ନିଶମ ବିଭାଗ । ହରିୟାଣାର ପରୱଲଠାରେ ଥିବା ଅଶାୱଟୀ ରେଳ ଷ୍ଟେସନ ନିକଟରେ ଘଟିଥିଲା ଏହି ଅଗ୍ନିକାଣ୍ଡ ।
ଅଗ୍ନିକାଣ୍ଡ ଘଟିବା ପରେ ସକାଳ ୭ଟା ୪୦ ମିନିଟରେ ଧୂଆଁ ଦୃଶ୍ୟମାନ ହୋଇଥିଲା । ଏହାପରେ ହରିୟାଣାର ନିଜାମୁଦ୍ଦିନ ଓ ପଲୱଲ ରେଲୱେ ଷ୍ଟେସନ ମଧ୍ୟବର୍ତ୍ତୀ ଅଶାୱଟୀ ରେଲୱେ ଷ୍ଟେସନରେ ଯାନ୍ତ୍ରିକ ତ୍ରୁଟି ଦର୍ଶାଇ ଟ୍ରେନକୁ ଅଟକା ଯାଇଥିଲା । ତେବେ ବ୍ରେକର ଜାମ୍ ଯୋଗୁଁ ଏହି ଅଗ୍ନିକାଣ୍ଡ ଘଟିଥିବା ରେଳ ବିଭାଗର ଜଣେ ମୁଖପାତ୍ର ସୂଚନା ଦେଇଛନ୍ତି ।