ଚଣ୍ଡିଗଡ: ହରିୟାଣାର ନୁହ ଜିଲ୍ଲାରେ ବିଶ୍ୱ ହିନ୍ଦୁ ପରିଷଦ ଦ୍ବାରା ଆୟୋଜିତ ଏକ ଶୋଭାଯାତ୍ରାରେ ନିର୍ଦ୍ଦିଷ୍ଟ ସମ୍ପ୍ରଦାୟର ଏକ ଗୋଷ୍ଠୀ ଅତର୍କିତ ପଥରମାଡ କରିବା ପରେ ଗୋଷ୍ଠୀ ସଂଘର୍ଷ ଓ ପରେ ବ୍ୟାପକ ହିଂସା ଦେଖିବାକୁ ମିଳିଛି । ପରସ୍ପରକୁ ଆକ୍ରମଣ କରିଛନ୍ତି ଉଭୟ ଗୋଷ୍ଠୀ । ସ୍ଥିତି ନିୟନ୍ତ୍ରଣ କରିବା ପାଇଁ ପୋଲିସ ପହଞ୍ଚିଥିବା ବେଳେ ପୋଲିସ ବଳ ମଧ୍ୟ ଆକ୍ରମଣର ଶିକାର ହୋଇଛି । ଜଣେ ପୋଲିସ ହୋମଗାର୍ଡଙ୍କର ଗୁଳିମାଡରେ ମୃତ୍ୟୁ ହୋଇଥିବା ମଧ୍ୟ ସୂଚନା ମିଳିଛି । ଦଙ୍ଗାକାରୀ ପୋଲିସ ଉପରକୁ ମଧ୍ୟ ଗୁଳି ଚଳାଇଥିବା ସୂଚନା ମିଳିଛି । ଏଥିରେ ଜଣେ ହୋମଗାର୍ଡଙ୍କ ମୃତ୍ୟୁ ହୋଇଥିବା ବେଳେ ବହୁ ପୋଲିସ କର୍ମୀ ମଧ୍ୟ ଆହତ ହୋଇଛନ୍ତି । ଉଭୟ ପକ୍ଷରୁ ମଧ୍ୟ ଏକାଧିକ ମଧ୍ୟ ଆହତ ହୋଇଛନ୍ତି ।
ସ୍ଥିତି ଏପରି ଅଣାୟତ ହୋଇପଡିଛି ଯେ ହରିୟାଣା ଗୃହମନ୍ତ୍ରୀ ଅନିଲ ବିଜ୍ କହିଛନ୍ତି, ଜିଲ୍ଲାରେ ସ୍ଥିତି ନିୟନ୍ତ୍ରଣ କରିବା ପାଇଁ ବ୍ୟାପକ ପୋଲିସ ଫୋର୍ସ ମଧ୍ୟ ମୁତୟନ କରାଯାଉଛି । ପଡୋଶୀ ଜିଲ୍ଲାରୁ ଅତିରିକ୍ତ ଫୋର୍ସ ଘଟଣାସ୍ଥଳକୁ ପଠାଯାଉଛି । ଶିଘ୍ର ଫୋର୍ସ ହିଂସା ସ୍ଥଳରେ ପହଞ୍ଚିବା ପାଇଁ ମଧ୍ୟ ହେଲିକପ୍ଟର ବ୍ୟବହାର କାରଯିବା ନେଇ ସେ ଗଣମାଧ୍ୟମକୁ ସୂଚନା ଦେଇଛି । ଏବେ ଅଗଷ୍ଟ 2 ତାରିଖ ଯାଏ ଜିଲ୍ଲାରେ ଇଣ୍ଟରନେଟ ସେବା ବନ୍ଦ ଘୋଷଣା କରାଯାଇଛି ।
ସ୍ଥାନୀୟ ପୋଲିସର ସୂଚନାନୁସାରେ, ଜିଲ୍ଲା ବିଶ୍ବହିନ୍ଦୁ ପରିଷଦ ଶାଖା ଦ୍ବାରା ‘ବ୍ରଜମଣ୍ଡଳ ଜଳାଭିଶେକ ଯାତ୍ରା’ ଆୟୋଜନ କରାଯାଇଥିଲା । ଏହି ସମୟରେ ଏକ ନିର୍ଦ୍ଦିଷ୍ଟ ସମ୍ପ୍ରଦାୟ ଗୋଷ୍ଠୀ ଶୋଭାଯାତ୍ରା ଉପରେ ପଥରମାଡ କରିଥିବାର ଅଭିଯୋଗ ହୋଇଛି । ଏହା ପରେ ଉଭୟ ପକ୍ଷ ମଧ୍ୟରେ ସଂଘର୍ଷ ଆରମ୍ଭ ହୋଇଥିଲା । ଉଭୟ ଗୋଷ୍ଠୀ ପରସ୍ପରକୁ ଆକ୍ରମଣ କରିଥିଲେ । ହିଂସା ଅଣାୟତ ହୋଇପଡିଥିଲା ।