ପଦ୍ମ ଶିବିରରେ ହାର୍ଦ୍ଦିକ ପଟେଲ, ସମାଜ ସେବାର ସିପାହୀ ସାଜିବେ

ରାଜନୀତିରେ ସ୍ଥିରତା ନାହିଁ । କାଲି ଯିଏ ଶତ୍ରୁ ଆଜି ସିଏ ମିତ୍ର ପାଲଟିଯାଏ । ହାର୍ଦ୍ଦିକ ପଟେଲଙ୍କୁ ନେଇ ଯାହା ଅନୁମାନ କରାଯାଉଥିଲା ସତ ହେଲା । ଆଜି ବିଜେପିରେ ଯୋଗ ଦେଇଛନ୍ତି ପୂର୍ବତନ କଂଗ୍ରେସ ଯୁବନେତା ହାର୍ଦ୍ଦିକ ପଟେଲ (Hardik Patel join BJP today) । ଅଧିକ ପଢନ୍ତୁ

ନୂଆଦିଲ୍ଲୀ: ରାଜନୀତିରେ ସ୍ଥିରତା ନାହିଁ । କାଲି ଯିଏ ଶତ୍ରୁ ଆଜି ସିଏ ମିତ୍ର ପାଲଟିଯାଏ । ହାର୍ଦ୍ଦିକ ପଟେଲଙ୍କୁ ନେଇ ଯାହା ଅନୁମାନ କରାଯାଉଥିଲା ସତ ହେଲା । ଆଜି ବିଜେପିରେ ଯୋଗ ଦେଇଛନ୍ତି ପୂର୍ବତନ କଂଗ୍ରେସ ଯୁବନେତା ହାର୍ଦ୍ଦିକ ପଟେଲ (Hardik Patel join BJP today) । ଦିନେ ଯେଉଁ ଦଳକୁ ସମାଲୋଚନା କରୁଥିଲେ ଆଜି ତାକୁ ପ୍ରଶଂସାରେ ପୋତି ପକାଉଛନ୍ତି ହାର୍ଦ୍ଦିକ । ଟ୍ବିଟ କରି ଜୀବନର ଏକ ନୂଆ ଆରମ୍ଭ କରିବାକୁ ଯାଉଥିବା କହିଛନ୍ତି ହାର୍ଦ୍ଦିକ ପଟେଲ ।

ପ୍ରଧାନମନ୍ତ୍ରୀ ମୋଦିଙ୍କ ନେତୃତ୍ବରେ ରାଷ୍ଟ୍ରହିତ, ପ୍ରଦେଶ ହିତ, ଜନହିତ ଏବଂ ସମାଜହିତ ଭାବନା ନେଇ ଆଜିଠୁ ଏକ ନୂଆ ଅଧ୍ୟାୟ ଆରମ୍ଭ କରିବାକୁ ଯାଉଥିବା କହିଛନ୍ତି ହାର୍ଦ୍ଦିକ । ଭାରତର ଯଶସ୍ବୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ବରେ ଜାରି ଥିବା ରାଷ୍ଟ୍ର ସେବାର ଭାଗୀରଥ କାର୍ଯ୍ୟରେ ଜଣେ ଛୋଟ ସିପାହୀ ହୋଇ କାମ କରିବି ବୋଲି କହିଛନ୍ତି ହାର୍ଦ୍ଦିକ ପଟେଲ । ପ୍ରଧାନମନ୍ତ୍ରୀ ସମଗ୍ର ବିଶ୍ବର ଗର୍ବ ବୋଲି କହିଛନ୍ତି ହାର୍ଦ୍ଦିକ । ଅହମ୍ମଦାବାଦରେ ଆୟୋଜିତ କାର୍ଯ୍ୟକ୍ରମରେ ସମର୍ଥକଙ୍କ ଗହଣରେ ବିଜେପିରେ ଯୋଗ ଦେଇଛନ୍ତି ।

2019ରେ ସେ ହାତ ଧରିଥିଲେ । କଂଗ୍ରେସରେ ମିଶିବା ପରେ ବିରୋଧୀଙ୍କ ଉପରେ ବର୍ଷୁଥିଲେ ହାର୍ଦ୍ଦିକ । ସେ ପଟିଦାର ସମ୍ପଦ୍ରାୟଙ୍କ ଅଧିକାର ପାଇଁ କାମ କରୁଥିଲେ । 2015ରେ ପଟିଦାର ସଂରକ୍ଷଣ ଆନ୍ଦୋଳନରେ ଲାଇମ ଲାଇଟକୁ ଆସିଥିଲେ । କଂଗ୍ରେସରେ 3 ବର୍ଷ ରହିଲା ପରେ ହାର୍ଦ୍ଦିକ ଗତ ମଇ ୧୮ ତାରିଖରେ ପାର୍ଟିରୁ ଇସ୍ତଫା ଦେଇଥିଲେ । ନିକଟରେ ସେ ସୋନିଆ ଗାନ୍ଧୀଙ୍କୁ କଂଗ୍ରେସ କେବଳ ରୋଡବ୍ଳକ କରିବାରେ ଭୂମିକା ନିଭାଉଛି ବୋଲି ଚିଠିରେ ଲେଖିଥିଲେ । କଂଗ୍ରେସ ଛାଡିବା ପୂର୍ବରୁ ଏପ୍ରିଲ ମାସରେ କେନ୍ଦ୍ର ଗୃହ ମନ୍ତ୍ରୀ ଅମିତ ଶାହଙ୍କ ଅହମ୍ମଦାବାଦ ଗସ୍ତ ବେଳେ ସେ ତାଙ୍କୁ ସାକ୍ଷାତ କରିଥିଲେ । ଏହା ପରଠୁ ସେ ବିଜେପିରେ ଯୋଗ ଦେବା ନେଇ ଚର୍ଚ୍ଚା ହେଉଥିଲା । ଯେଉଁଥିଲେ ପୂର୍ଣ୍ଣଚ୍ଛେଦ ପଡ଼ିଛି । ଶେଷରେ ଆଜି ଗେରୁଆ ଦଳରେ ସାମିଲ ହୋଇଛନ୍ତି ହାର୍ଦ୍ଦିକ ପଟେଲ ।