ଗାନ୍ଧୀନଗର: ଗୁଜୁରାଟର ଗିର ଓ ସୋମନାଥ ଜିଲ୍ଲାରେ ସୋମବାର ସକାଳ 19 ଟି ଭୂକମ୍ପ ଅନୁଭୂତ ହୋଇଛି । ଏହା ସାମାନ୍ୟ ବା ମୃଦୁ ଭୁମିକମ୍ପ କାରଣରୁ ବିଶେଷ କ୍ଷୟକ୍ଷତି ହୋଇନଥିବା ସୂଚନା ରହିଛି । ଗାନ୍ଧିନଗର ସ୍ଥିତ ଇନଷ୍ଟିଚ୍ୟୁଟ୍ ଅଫ୍ ସେସମୋଲୋଜିକାଲ୍ ରିସର୍ଚ୍ଚ (ଆଇଏସ୍ଆର୍) ର ଜଣେ ବରିଷ୍ଠ ଅଧିକାରୀ ଏହି ଘଟଣାକୁ ମୃଦୁ ଭୁମିକମ୍ପ ବୋଲି କହିବା ସହ ଏହାର ତୀବ୍ରତା ମାତ୍ର 3 ମ୍ୟାଗ୍ନିଚୁଡ ତଳେ ଥିବା ସୂଚନା ଦେଇଛନ୍ତି । ଜିଲ୍ଲାବାସୀଙ୍କୁ ଆତଙ୍କିତ ନହେବା ପାଇଁ ପରାମର୍ଶ ଦିଆଯାଇଛି ।
ଏହି ଭୂକମ୍ପଗୁଡିକ ମଧ୍ୟରୁ ଅଧିକାଂଶ 3 ମ୍ୟାଗ୍ନିଚ୍ୟୁଡ ତଳେ ଥିବାବେଳେ 6 ଟି ତୀବ୍ରତା 3 ରୁ ସାମାନ୍ୟ ଅଧିକ ଥିଲା, ଏଥି ସହିତ 3.3 ମ୍ୟାଗ୍ନିଚ୍ୟୁଡ୍ର ଭୂକମ୍ପ ସକାଳ 3.46 ରେ ରେକର୍ଡ ହୋଇ ତାଲାଲାର 12 କିଲୋମିଟର ଅଞ୍ଚଳରେ ଅନୁଭୁତ ହୋଇଥିଲା ।