ଗାନ୍ଧୀନଗର: ଗୁଜରାଟ ବିଧାନସଭା ନିର୍ବାଚନ ପାଇଁ ଦିନ ନିକଟତର ହେଉଛି । ଦିନ ଯେତିକି ପାଖଉଛି ପ୍ରାର୍ଥୀ ଭୋଟରଙ୍କୁ ଆକର୍ଷିତ କରିବାର ପ୍ରୟାସ ଜାରି ରଖିଛନ୍ତି । ଏହାରି ଭିତରେ କ୍ରିକେଟର ରବୀନ୍ଦ୍ର ଜାଡେଜା ତାଙ୍କ ପତ୍ନୀଙ୍କୁ ଭୋଟ ଦେଇ ଜିତେଇବାକୁ ଭୋଟରଙ୍କୁ ଅପିଲ କରିଛନ୍ତି । ଜାଡେଜାଙ୍କ ପତ୍ନୀ ରିଭାବାଙ୍କୁ ବିଜେପି ଜାମନଗରରୁ ପ୍ରାର୍ଥୀ କରିଛି । ଗୁଜୁରାଟୀରେ ଜାଡେଜା ଏକ ଭିଡିଓ କରି ଭୋଟ ପାଇଁ ଅପିଲ କରିଛନ୍ତି ।
ଆଜି ଉତ୍ତର ଜାମନଗର ବିଧାନସଭାରୁ ପ୍ରାର୍ଥୀ ଭାବେ ନାମାଙ୍କନ ଭରିଛନ୍ତି କ୍ରିକେଟର ରବୀନ୍ଦ୍ର ଜାଡେଜା ତାଙ୍କ ପତ୍ନୀ ରିଭାବା । ଏହା ପୂର୍ବରୁ ଜାଡେଜା ଏକ ଭିଡିଓ କରି ଟ୍ବିଟ କରିଛନ୍ତି । ଯେଉଁଥିରେ ଜାମନଗରବାସୀଙ୍କୁ ରିଭାବାଙ୍କୁ ଭୋଟ ଦେଇ ବିଜୟୀ କରିବାକୁ ଅନୁରୋଧ କରିଛନ୍ତି । କେବେଳ ଜାମନଗରବାସୀ ନୁହେଁ କ୍ରିକେଟପ୍ରେମୀଙ୍କୁ ମଧ୍ୟ ରିଭାବାଙ୍କୁ ଭୋଟ ଦେବାକୁ ଅପିଲ କରିଛନ୍ତି । ସେ କହିଛନ୍ତି,'' ଗୁୁଜୁରାଟ ବିଧାନସଭା ନିର୍ବାଚନ ଟି-ଟ୍ବେଣ୍ଟି କ୍ରିକେଟ ପରି ଆଗକୁ ବଢୁଛି । ମୋର ପ୍ରିୟ ଜାମନଗରବାସୀ ଏବଂ ସମସ୍ତ କ୍ରିକେଟପ୍ରେମୀ, ଆପଣ ସମସ୍ତେ ଜାଣିଛନ୍ତି ଏଠାରେ ବିଧାନସଭା ନିର୍ବାଚନ ଅନୁଷ୍ଠିତ ହୋବାକୁ ଯାଉଛି । ମୋ ପତ୍ନୀ ରିଭାବାଙ୍କ ଉପରେ ବିଜେପି ଭରସା କରି ଜାମନଗରରୁ ପ୍ରାର୍ଥୀ କରିଛି । ଆଜି ସେ ନାମାଙ୍କନ ଭରିଛନ୍ତି । ମୋର ପତ୍ନୀଙ୍କ ବିଜୟ ଆପଣ ସସସ୍ତ ଜାମନଗରବାସୀଙ୍କ ହାତରେ ।''